کراچی(سرائیکی نیوز) محکمہ موسمیات دی پیشن گوئی کیتی ھِ کہ ملک دے جنوبی علاقیاں ءچ جمعہ توں سوموار تک طوفانی بارشاں دا امکان ھِ محکمہ موسمیات دی طرفوں جاری تھیوݨ والی ایڈوائزری ءچ ڈسایا گئیا ھِ کہ خلیج بنگال دے شمال تے ایندے گردونواح ءچ مون سون دی ہوا دا کم دباو پیدا تھئی گئیا ھِ جو مغرفت دی طرفوں ودھدا ہوویا ٩ اگست دی سویر کوں بھارت دے علاقے گجرات ءچ پھجسی۔ انہاں ڈسایا کہ میر پور خان ٹھٹہ ، حیدر آباد ، کراچی ، شہید بینظرآباد ضلع ءچ جمعے توں پیر تک طوفانی بارش تھئی سکدی ھِ محکمہ موسمیات دا آکھݨ ھا کہ ایں ھی عرصے ءچ ژوب ، قلات ، سبی ، نصیر آباد ، مکران ، سکھر ، لاڑکانہ ݙویژن ءچ وی وقفے وقفے نال تیز بارشاں تھئی سکدیاں ھن
انہاں بارشاں دی وجہہ نال نشیبی علاقیاں ءچ پچھلے مہینے پانڑیں کھڑا تھئی گئیا ھا سڑکان تالاب دا منظر پیش کرݨ لگ گئیا ھن جبکہ ٹریفک دی روانی بری طرح متاثر تھئی ھائی، کراچی ءچ بارش نال ندی تے نالیاں ءچ وی طغیانی آ گئی ھائی جبکہ شہر دے مختلف علاقیاں کوں کئی گھنٹے دی لوڈ شیڈنگ دا سامنڑاں رھیا۔
