پاک سوزوکی دا ٤ ݙینھ کیتے گڈیاں بنڑاوݨ بند کرں دا فیصلہ
پاک سوزوکی دا ٤ ݙینھ کیتے گڈیاں بنڑاوݨ بند کرں دا فیصلہ
کراچی ۔ پاک سوزوکی موٹر کمپنی پی ایس ایم سی نے ضرورت ءچ کمی دی وجہہ توں جنوری دے مہینے ءچ ٤ ݙیھ تک گڈیاں نا بنڑاوݨ دا فیصلہ کر گھیدا ، اخبار دی رپورٹ دے مطابق وینڈرز کوں ھک نوٹس ءچ پاک سوزوکی کمپنی نے آکھیا کہ طلب ءچ کمی دی وجہہ توں رواں مہینے پیر دے ݙینھ نان پروڈکشن ڈیز این پی ڈیز دے طور تے منائے ویسن۔ وینڈرز دا آکھݨ ھا کہ پاک سوزوکی موٹر کمپنی نے جنوری کیتے سبھ توں زیادہ فروخت تھیوݨ والی ٦٦٠ سی سی الٹو دے پیداواری شیڈول ءچ ٢٥ فیصد کمی آئی ھِ انہاں آکھیا کہ گزرن مہینے ءچ کلٹس ، سوفٹ ، بولان تے ویگن آر تے دیگر گڈیاں دی فروخت ءچ کمی دے باوجود آلٹو ، پاک سوزوکی تے وینڈراں کیتے اہم ھِ
خیال رھاوے کہ پاک سوزوکی موٹر کمپنی رواں سال یکم جنوری توں اپنڑیں گڈیاں دی قیمت ءچ ٤٥ ھزار توں ٩٠ ھزار دا اضافہ کر چکی ھِ پیداواری منظر نامے ءچ بہتری دے بعد جاپان دے دیگر پلانٹاں ءش صورتحال مختلف ھِ
ھونڈا گڈیاں دی قیمتاں ءچ اضافہ کر ݙیتے
ڈوجہے پاسے ھونڈا اٹلس کارز لمیٹڈ ایچ اے سی ایل نے گڈیاں دے مختلف ماڈلاں ءچ ٢٠ ھزار توں ھک لکھ روپے تک اضافہ کر ݙیتا ھِ جیندا اطلاق ١٦ جنوری توں تھیسی ۔
مثال دے طور تے ھونڈا سٹی ٣۔١ ایم ٹی تے اے ٹی دی قیمت ٢٠ ھزار روپے اضافے دے بعد بالترتیب ٢٣ لکھ ٢٩ ھزار تے ٢٥ لکھ ٩ ھزار تھئی ویسی۔
