urban forest

لیاری ندی دے کنارے ٢٦ کلو میٹر رقبے تے جنگل قائم کیتا ویسی ، ناصر شاہ

لیاری ندی دے کنارے ٢٦ کلو میٹر رقبے تے جنگل قائم کیتا ویسی ، ناصر شاہ

کراچی ۔ وزیر بلدیات تے جنگلات و جنگلی جیوت سید ناصر حسین شاہ دا آکھݨ ھا کہ لیاری ندی دے ݙونہیں پاسے ٢٦ کلو میٹر طویل رقبے تے دنیا دا سبھ توں وݙا شہری جنگل قائم کیتا ویسی جئیں دا باضابطہ افتتاح چیئرمین بلاول بھٹو زرداری کریسن۔ شہری جنگلات ءچ ماحول دوست پھل دار درخت لائے ویسن انہاں خیالات دا اظہار انہاں اج منصوبے دی جا لیاری ندی دے دورے دے موقع تے کیتا۔ ایں موقع تے انہاں دے نال ڈپٹی کمشنر للع غربی فیاض سولنگی ، چیئرمین ڈی ایم سی ویسٹ اظہار الدین ، ایم سی وسیٹ اشفاق ملاح ، چیف کنزرویٹر اعجاز نظامانی ڈویژنل فاریسٹ افسر مقصد احمد دے علاوہ دیگر افسران تے علاقے دے معززین وی موجود ھن ، وزیر بلدیات نے ایں موقع تے آکھیا کہ چیئرمین بلال بھٹو زرداری دے وژن دے مطابق شہری جنگلات دا اے منصوبہ شروع کیتا ویندا پیا ھِ پہلا منصوبہ لیاری تے ݙوجہہ منصوبہ ملیر ندی دے ݙونہاں پاسے شروع کیتا ویسی وزیر بلدیات نے ایں موقع تے افسران کوں ھدایت کیتی کہ او این منصوبے ءچ شہریاں دی تفریحی جگہاواں دے حوالے نال وی منصوبہ بندی کرن بالاں کیتے چھوٹے کھیڈ دیاں جاواں ، جاگنگ ٹریک تے ملکی و غیر ملکی سیاحاں کیتے این پر کشش مقام بنڑایا ویسی ۔ صوبائی وزیر دا آکھݨ ھا کہ شہر دے دیگر جگہواں تے وی شہری جنگلات قائم کیتے ویسین تے ایں مہم ءچ اساݙے نال ایم کیو ایم دے علاوہ دیگر جماعتاں وی شامل ھن انہاں آکھھیا کہ فٹ بال ، والی بال ، باکسنگ ، باسکٹ بال دے گراونڈ وی بنڑائے ویسن تاکہ مقامی لوگ وی صحت منداناں سرگرمیاں ءچ حصہ گھن سکن۔

Similar Posts

Leave a Reply

Your email address will not be published. Required fields are marked *