وزیر اعظم عمران خان ھک روزہ دورے تے کراچی پھج گئے
کراچی ۔(سرائیکی نیوز) وزیر اعظم عمران خان ھک روزہ دورے تے کراچی پھج گئے ھن جیتھاں انہاں دی گورنر سندھ عمران اسمعیل تے وزیر اعلی مراد علی شاہ نال ملاقات متوقع ھِ ریڈیو پاکستان رپورٹ کیتی کہ وزیر اعظم دورہ کراچی ءچ حکومت دے کامیاب جواناں دے پروگرام کیتے چیک تقسیم کریسن تے تاجراں دے وفد نال وی ملاقاتاں کریسن۔ ایندے علاوہ عمران خان شوکت خانم میموریل کینسر ہسپتال کیتے عطیات جمع کرݨ دی ھک تقریب ءچ وی شرکت کریسن، قبل ازیں عہیداراں تے ذرائع نے ݙسایا کہ وزیر اعظم دی وزیر اعلی سندھ نال ملاقات ، گورنر سندھ نال کجھ ݙینھ پہل تھیوݨ والی ایں ملاقات دے عبد تھیسی جیئں کوں کراچی والیاں نے مثبت اشارہ قرار ݙیتا ھا ، ھک گھنٹہ طویل ایں ملاقات ءچ وزیر اعلی نے شہر دی ترقی توں متعلق تمام تجاویزاں مشہوریاں تے رضامندی دا اظہار کیتا ھا تے میگا منصوبیاں کوں مزید بغیر کہیں تاخیر دے مکمل کرݨ دے تناظر ءچ مرکز دے تعاون نال بنڑݨ والے منصوبیاں تے صوبائی حکام دا کم مکمل کرݨ دا عظم کیتا ھاھ واضح رھاوے کہ حالیہ ہفتے ءچ وفاقی حکومت دا پیپلز پارٹی دی قیادت ءچ موجود سندھ حکومت دے نال اپنڑیں کم دے بہتر تعلقات کوں بہتر کرݨ دی کوشش کیتی ھِ رواں سال دے آخیر ءچ وزیر منصوبہ بندی اسد عمر نے اعلان کیتا ھا کہ سندھ حکومت نال انتہائی اختلافات دے باوجود وفاق نے شہریاں دی زندگی بہتر کرݨ کیتے صوبائی حکومت دے نال کم دا فیصلہ کیتا ھِ
ایتھاں اے گالھ مد نظر رھاوے کہ وزیر اعظم نے کراچی ءچ مختلف منصوبیاں دے آغاز کیتے خواھش دا اظہار کیتا ھا تے گزرن سال شہار دی ترقی کیتے ١٦٢ ارب روپے دا جامع پیکج ݙیوݨ دا اعلان کیتا ھاِ
