فنون لطیفہ تے ثقافت لوگاں کوں ھک مُٹھ کرݨ ءچ ودھ صلاحیت رکھیندن، صدر مملک
لوگاں کوں ھک مُٹھ کرݨ تے معاشرتی ھم آھنگی تکڑی کرݨ کیتے فون لطیفہ تے ثقافت ءچ ودھ صلاحیت موجود ھِ، صدر ممملکت عارف علوی
لاہور (اے پی پی) صدر مملکت ڈاکٹر عارف علوی آکھیے جو معاشرے دے مختلف پس منظر دے لوکاں کوں ہک مٹھ کرنڑ،معاشرتی ہم آہنگی تکڑی کرنڑ کیتے فنون لطیفہ اتے ثقافت اچ ودھ صلاحیت موجود اے۔اے گالھ انہاں لاہور قلعہ اچ ڈوسالہ لاہور بئینالے دی افتتاحی تقریب نال خطاب کریندے آکھی،ملک دے عوام خصوصاً بالاں دے تاریخی مقامات ،عجائب گھراں دے دوریاں دی حوصلہ افزائی تھیونڑی چاہیدی اے،لوکاں کوں تاریخ، ثقافت اتے فن نال جوڑیا ونجے، فن اتے فن تعمیر دے بہوں سارے مختلف پہلواں کوں گولنڑ دی لوڑھ اے،اج پاکستان بدل چکیے،عدم تحفظ دے مسائل مک گین،جیونڑ دے معمولات توں نکل تے تفریح کرنڑی چاہیدی اے۔ صدر مملکت متحدہ عرب امارات دی وزیر ثقافت شیخ حور القاسمی دی لاہور بئینالے دے ذریعے لاہور دی ثقافت اگونہی کرنڑ دیاں کوششاں دی تعریف کیتی۔ایں موقع تے متحدہ عرب امارات دے وزیر ثقافت شیخ حور القاسمی ، لاہور بئینالے فاﺅنڈیشن (ایل بی ایف) دے ڈائریکٹر محسن حمید، ایل بی ایف دے چیئرمین عثمان خالد، ایل بی ایف دی ایگزیکٹو ڈائریکٹر قدسیہ رحیم اتے بئے لوک وی موجود ہن۔
