سندھ ھائی کورٹ ءچ آئی جی سندھ دا تبادلہ روکݨ دی درخواست خارج
کراچی ۔ سندھ ھائی کورٹ نے انسپکٹر جنرل آئی جی سندھ کوں عہدے توں ھٹاوݨ دیخلاف حکم امتناعی درخواست خارج کر ݙیتی ، ھائی کورٹ نے درخواست صوبائی افسر دی طرفوں اے بیان جمع کرواوݨ تے خارج کیتی کہ قانون دیخلاف ورزی کریندے ہووے آئی جی پی کوں ھٹاوݨ دا کوئی اقدام نی چاتا ویسی۔ اخباری رپورٹ دے مطابق ١٠ جنوری کوں سندھ ھائی کورٹ نے ھک عبوری حکم دے ذریعے صوبائی حکام کوں وفاق توں مشاورت کیتے بغیر آئی جی پی کوں عہدے توں ھٹاوݨ توں روک ݙیتا ھا ، منگل دے ݙینھ جئیں ویلے اے معاملے سندھ ھائی کورٹ دے جسٹس محمد علی مظہر دی سربراھی ءچ قائم ٢ رکنی بینچ دے سامنڑیں آیا تاں ایڈووکیٹ جنرل سلمان طالب الدین عدالت ءچ پیش تھئے تے واضح بیان جمع کروایا ، بینچ نے اپنڑیں حخم ءچ آکھا کہ درخواست گزار دے وکلاء دے ابتدائی دلائل سنڑݨ دے بعد عبوری حکم جاری کیتا گئیا ھا ، عدالت نے زمید آکھیا کہ اج منگل کوں ایڈووکیٹ جنرل سندھ سماعت ءچ پیش تھئے تے واضح بیان ݙیتا کہ سندھ (ری ایپل آف پولیس ایکٹ ، ١٩٨١ اینڈ ریوائیول آف پولیس آرڈر ، ٢٠٠٢) ترمیمی ، ایکٹ ، ٢٠١٩ دی دفعہ ١٢ (٢) دیخلاف ورزی کریندے ہووے پولیس دے انسپکٹر جنرل کوں عہدے توں ہٹاوݨ دا کوئی اقدام نا کیتا ویسی ۔ عدالت نے اپنڑیں فیصلے ءچ آکھیا کہ ایڈووکی ٹجنرل دی طرفں ایں بیان دی روشنی ءچ حک امتناع دی درخواست ایں ھدایت دے نال خارج کیتی ویندی پئی ھِ کہ صوبائی تے وفاقی حکام دی طرفوں ارٹیکل ١٢ (٢) دی خلاف ورزی ءچ کوئی قدم نہ چاتا ونجے۔ یاد رھاوے کہ سماجی کارکن جبران ناصر تے دیگر دی طرفوں سندھ ھائی کورٹ ءچ درخواست دائر کر تے آرٹیکل ١٢ (٢) دے نفاذ دی استدعا کیتی گئی ھائی
