١٥ مہینیاں ءچ پاکستان دا قرض ٤٠ فیصد ودھ گئیا

اسلام آباد ۔ ١٥ مہینے دے عرصے ءچ پاکستان دے سرکاری قرض تے واجبات ءچ ٤٠ فیصد اضافہ تھئیا تاں حکومت نے وݙے پیمانے تے قرضیاں دے حصول دی حد توں تجاوز کر تے فسکل ریسپانسیبلیٹی اینڈ ڈیٹ لمیٹیشن ایکٹ (ایف آر ڈی ایل اے) دیخلاف ورزی کرݨ دا اعتراف کر گھیدا۔

اخباری رپورٹ دے مطابق ملکی قرضیاں دے حوالے نال پارلیمان ءچ پیش کیتے گئے پالیسی بیان ءچ وزارت خزانہ نے ݙسایا کہ مالی سال ٢٠١٨ دے اختتام تے مجموعی قرض تے واجبات ٢٩٠ کھرب ٨٧ ارب ٩٠ کروڑ روپے ھن جو ستمبر ٢٠١٩ ءچ ٤١٠ کھرب ٤٨ ارب ٩٠ کروڑ روپے توں تجاوز کر گئے مطلب ایندے ءچ ٣٩ فیصد یا ١١٠ کھرب ٦٠ روپے دا اضافہ تھئیے۔ مالی سال دے ٢٠١٩ء دے اختتام تک مجموئی قرض تے واجبات ءچ ٣٥ فیصد یا ١٠٠ کھرب ٣٤ ارب ٤٠ کروڑ روپے دا اضافہ تھئے تے ٤٠٢ کھرب ٢٣ ارب ٣٠ کروڑ تک پھج گئیا ۔ رپورٹ ءچ آکھا گئیا کہ ایف آر ڈی ایل چاھندی ھِ کہ وفاقی حکومت مالیاتی قرض کوں گھٹ کرݨ کیتے اقدامات کرے تے مجموعی سرکاری قرضیاں کوں دانشمندانہ حدود دے اندر رکھے ۔

ایں واسطے ایں گالھ دی ضرورت ھائی کہ مالی سال ٢٠١٨ توں ٢٠١٩ توں شروع کر تے ٣ سال ءچ غیر ملکی گرانٹاں دے علاوہ وفاقی مالیتی قرض مجموعی ملکی پیداوار جی ڈی پی دا ٤ فیصد کیتا ونجے تے ایندے بعد ایں کوں جی ڈی پی دے زیادہ توں زیادہ ساڑے ٣ فیصد تک برقرار رکھا ونجے۔ پالیسی بیان ءچ ڈسایا گئیا کہ مالی سال ٢٠١٨ ـ ٢٠١٩ دے دوران وفاقی مالیاتی خسارہ گرانٹاں دے علاوہ ٣ ھزار ٦٣٥ ارب روپے یا جی ڈی پ دے ٩ اعشاریہ ٤ فیصد تک پہج گئیا جو ٤ فیصد دی حد توں کہیں زیادہ ھِ وزارت خزانہ نے عوامل دی سیزیز دے وجہہ توں ایکوں جائز قرار ݙیتا جیندے ءچ بیشتر ایندی پالیسیاں نال ھی نکلے ھن۔ وزارت خزانہ دا آکھݨ ھا کہ مالی سال ٢٠١٩ـ٢٠٢٠ ءچ ھک غیر متوقع تے یکطرفہ عنصر وفاقی مالیاتی خسارے دی مد ءچ جی ڈی پی دا ٢ اعشاریہ ٢٥ فیصد رھیا۔