٢١ فروری ۔ مادری زباناں دا ݙینھ
پاکستان سمیت دنیا بھر ءچ مادری زباناں دا عالمی ݙینھ ٢١ فروری کوں منایا ویسی ، دنیا بھر ءچ ھر سال وانگوں ٢١ فروری کوں زباناں سی سنجھاݨ تے انہاں دی اہمیت توں آگاہی کیتے مادری زباناں دا عالمی ݙینھ منایا ویسی۔
آکسفور یونیورسٹی دی ھک تحقیق دے مطابق ایں ویلے دنیا بھر ءچ کم و بیش ٧ ھزار زباناں بولیاں ویندیاں ھن تے اقوام متحدہ دے ذیلی ادارے یونیسکو دے مطابق ١٩٥٠ء توں گھن تے ھم تک ٢٣٠ مادری زباناں نا پید تھئی چکیاں ھن ، برٹش کونسل دی طرفوں جاری کیتے گئے اعداد و شمار دے مطابق دنیا بھر ءچ تقریبان ٣٥٠ ملین بندیاں دی مادری زبان انگریزی ھِ باقی لوگ ثانوی زبان دی حیثیت نال انگریزی بولیندے ھن، زباناں تے تحقیق کرݨ والے ادارے Enthologue دے مطابق ملکاں دے حوالے توں انگریزی سبھ توں زیادہ یعنی ١١٢ ملکاں ءچ بولی ویندی ھِ ایندے بعد ٦٠ ملکاں ءچ فرنچ، ٥٧ ءچ عربی ، ٤٤ ءچ ہسپانوی تے جرمن وی ٤٤ ملکاں ءچ بولی ویندی ھِ جبکہ اردو ٢٣ ھندی ٢٠ تے سرائیکی ٨ ملکاں ءچ بولی ویندی ھِ پاکستان ماہرین لسانیات دے مطابق ملک ءچ مختلف لہجیاں دے فرق نال ٧٤ زباناں بئیاں بولیاں ویندیاں ھن
مادری زباناں کوں لا حق خطرات دے حوالے نال پاکستان دنیا ءچ ٢٨ ویں نمبر تے ھِ سب توں زیادہ ١٩٦ زباناں کوں بھارت ءچ خطرات لا حق ھن ، امریکا دی ١٩١ ، برازیل دی ١٩٠ ، انڈونیشیا دی ١٤٧ تے چین دی ١٤٤ زباناں کوں بقاء دا خطرہ ھِ
ماہرین لسانیات دا آکھݨ ھا کہ ایندی وجہہ انہاں دے بولݨ والے خود ھن جو بتدیج انہاں زباناں دے استعمال کوں گھٹ کریندے ویندن تے ول ایویں اے زباناں اپنڑیں اصل شکل ونجا ݙیندن تے ݙوجہی زباناں ءچ ضم تھئی ویندیاں ھن۔
