کورونا موبائل یونٹس نال گھر گھر سکریننگ دا عمل شروع
کورونا موبائل یونٹس نال گھر گھر سکریننگ دا عمل شروع
لاہور ۔ ابتدائی طور تے ٩ گڈیاں سڑکاں تے موجود ہوسن ، تعداد ودھا تے ١٦ کیتی ویسی ، موبائل یونٹ محکمہ بہبود آبادی دی گڈیاں بڑاوݨ گئے ھن انچارج موبائل یونٹ ڈاکٹر فرزانہ دا آکھݨ ھا کہسکریننگ تھرمل گنز نال کیتی ویسی ، کوئی شہری اگر ایں وائرس نال ملدی علامات ءچ منسلک پایا گئیا تاں ضلعی انتظامیہ کوں اطلاع ݙیتی ویسی۔
تفصیل دے مطابق کورونا وائرس دے کھینڈݨ دے ݙر توں ضلعی انتظامیہ لاہور نے محکمہ ہیلتھ تے بہبود آبادی دی مدد نال شہریاں دی گھر گھر سکریننگ کیتے ٩ موبائل یونٹس چلائے ویسن ، موبائل یونٹس دی ٩ گڈیاں شہار دی سڑکاں تے موجود ہوسن جنہاں تے تعینات محکمہ صحت دے اھلکار گلہ محلیاں ءچ ونج تے شہریاں دی سکریننگ کریسن۔
ایڈیشنل ڈپٹی کمشنر صفدر حسین ورک دا آکھݨ ھا کہ مجموعی طور تے ١٦ موبائل یونٹس کم کریسن، چیف آفیسر ھیلتھ ڈاکٹر شعیب گورمانی دا اکھݨ ھا کہ ھیلتھ دیاں ٹیماں گھر گھر ونج تے سکریننگ کریسن، ایڈیشنل سیکریٹری بہبود آبادی احمد شعیب دا آکھݨ ھا کہ موبائل سروس یونٹ مکمل طور تے فعال ھن ، انچارج موبائل یونٹس ڈاکٹر فرزانہ دا آکھݨ ھا کہ شہریاں دی سکریننگ تھرمل گنز نال کیتی ویسی ۔ اگر کوئی بندہ وائرس نال ہویا تے ضلعی انتظامیہ کوں اطلاع ݙیتی ویسی۔
ابتدائی طور تے ٩ بعد ءچ گڈیاں دی تعداد ١٦ کر ݙیتی ویسی سڑکاں تے موجود شہریاں دی وی سکریننگ کیتی ویسی ، سکریننگ نال کورونا دی بروقت تشخیص ممکن ہوسی ۔ ١٦ موبائل یونٹس محکہ بہبود آبادی دیاں گڈیاں ءچ بنرائے گئے ھن انہاں اکھیا کہ شہری گھراں ءچ ھی محفوظ رہ سکدے ھن
