کہیں دے آکھے لگ تے کرکٹ نا چھوڑیسا، محمد حفیظ
پاکستان ٹیم دے سینئر آل راونڈر محمد حفیظ نے دورہ انگلینڈ تے بہترین پرفارمنس دا عزم کریندے ہووے آکھیا کہ او کہیں دے آکھے لگ تے کرکٹ نا چھوڑیسن تے ٹی ٢٠ ورلڈ کپ ءچ ضرور شرکت کریسن۔
قومی ٹیم دے سابق کپتان محمد حفیظ نے ویڈیو لنک دے نال صحافیاں کوں ݙسایا کہ ایں حالات ءچ کرکٹ ءچ تبدیلیاں تے اعتراض کرݨ دی بجائے اساں کوں خوشی ہوونڑیں چاھیدی ھِ کہ کھیڈ ول توں شروع تھیندا پئے ۔ اپنڑیں ریٹائرمنٹ تے پرفارمنس دے حوالے نال آل راونڈر نے رمیز راجا دا ناں گھنݨ دے بغیر آکھا کہ چاہے کوئی وی کجھ آکے آکھیندا رھاوے میں اپنڑیں مرضی نال کرکٹ چھوڑیساں کیونکہ میڈا کیریئر میڈی مرضی۔ حفیظ نے آکھیا کہ میں ١٧ سال پاکستان دی نمائندگی کیتی ھِ تے اپنڑیں سلیکشن دے نال انصاف کیتا ھِ آئندہ وی اپنڑیں سلیکشن نال انصاف کریساں۔
ورلڈ کپ ءچ بھارت تے انگلینڈ دے میچ تے آل راونڈر آکھیا کہ او میچ کہیں وی فیئر نی لگیا بی اسٹورکس نے کتاب ءچ اے کیوں لکھا ایندے او وضاحت خود کریسن۔ حفیظ دا آکھݨ ھا کہ تساں او میچ کہیں وی فین کوں ڈکھا ݙیو تاں فیس سو واری ݙیکھ تے ایہا آکھیسی کہ بھارتی ٹیم ایں میچ ءچ جیتݨ ھی نا چاھندی ھائی ۔
