قصور مظاہرین ہلاکت، شہباز شریف تے رانا ثناء اللہ دے خلاف مقدمے دی درخواست

قصور مظاہرین ہلاکت، شہباز شریف تے رانا ثناء اللہ دے خلاف مقدمے دی درخواست

لاہور(سرائیکی نیوز) قصور اچ پولیس فائرنگ نال ڈو افراد دی ہلاکت دا مقدمہ وزیر اعلی پنجاب شہباز شریف تے صوبائی وزیر قانون رانا ثناء اللہ دے خلاف درج کرن کیتے سیشن کورٹ اچ درخواست دائر کر ڈیتی گئی ۔

قصور اچ ست سالہ ننھی زینب دے نال زیادیاتی تے بہیمانہ قتل دے خلاف احتجاج دے دوران ڈو روز قبل شہریاں تے پنجاب پولیس نے گولیاں وسا ڈیتیاں ھن جیندے وجہہ توں ڈو بے گناہ مظاہرین اپنڑی جان توں ہتھ دھو بیٹھے ھن پاکستان تحریک انصاف دی رہنما تنزیلہ عمران نے لاہور دی سیشن کورٹ اچ درخواست دائر کریندے ہووے استدعا کیتی کہ قصور اچ احتجاج دے دوران مظاہرین تے پولیس نے وزیر اعلی پنجاب شہباز شریف تے وزیر قانون رانا ثناء اللہ دے ایما تے فائرنگ کیتی جیندی وجہہ توں ڈو افراد جاں بحق تھئے۔

انہاں نے موقف اختیار کریندے ہووے آکھیا کہ عدالت شہباز شریف تے رانا ثناء اللہ دے خلاف قتل تے دہشت گردی دی دفعات دے تحت مقدمات درج کرن دا حکم ڈیووے۔واضح رھاوے کہ ٧ سالہ ننھی تے معصوم زینب دے نال زیادتی تے قتل دے خلاف قصور دے رہائشیاں نے احتجاج کیتا ھا جیئں دوران پنجاب پولیس نے مظاہرین تے گولیاں وسا ڈیتیاں ھن جیندے وجہہ توں ڈو افراد اپنڑی جان توں ہتھ دھو بیٹھے ھن۔

Similar Posts

Leave a Reply

Your email address will not be published. Required fields are marked *