آئی ایس پی آر دے زیر اہتمام15 طلبا کوں ڈپلومہ سکالر شپس ݙیوݨ دا اعلان
پاکستان دی ڈائمنڈ جوبلی تقریبات ، آئی ایس پی آر دے زیر اہتمام نیشنل امیچور شارٹ فلم فیسٹیول ہائی اچیورز سکالر شپ ایوارڈز دی تقریب ، 15 طلبا کوں ڈپلومہ سکالر شپس ݙیوݨ دا اعلان
اسلام آباد۔1مارچ (اے پی پی):پاکستان دی ڈائمنڈ جوبلی تقریبات دے حوالے نال نیشنل امیچور شارٹ فلم فیسٹیول (این اے ایس ایف ایف) ہائی اچیورز سکالر شپ ایوارڈز دی تقریب اچ 15 طلباء کوں ڈپلومہ سکالر شپس ݙیوݨ دا اعلان کیتا ڳئے ، ایں حوالے نال منعقدہ تقریب اچ وفاقی وزیر اطلاعات و نشریات چوہدری فواد حسین اتے ڈائریکٹر جنرل آئی ایس پی آر میجر جنرل بابر افتخار شرکت کیتی۔ آئی ایس پی آر وزارت اطلاعات و نشریات دے زیر اہتمام این اے ایس ایف ایف 2021 اچ نمایاں کامیابی حاصل کرݨ آلیں دے اعزاز اچ این اے ایس ایف ایف ایوارڈز دی تقریب دا انعقاد کیتے ۔
ایوارڈ جتݨ آلے طلبا کوں فلم سازی اچ ھک سالہ سکالر شپ پروگرام کیتے نیویارک فلم اکیڈمی آسٹریلیا بھیجا ویسی۔ ڈائریکٹر جنرل آئی ایس پی آر پاکستان دے اصل تشخص کوں اجاگر کرݨ کیتے ایجھی تقریبات دی اہمیت داذکر کیتے تے آکھیے جو اے فورم پاکستانی نینگراں کوں آپݨی صلاحیتاں دے اظہار دا منفرد موقع فراہم کریندے ۔ وفاقی وزیر اطلاعات و نشریات چوہدری فواد حسین حاضرین توں آپݨے خطاب اچ ہائی اچیورز کوں مبارخ ݙتی تے این اے ایس ایف ایف 2022ء دے تھیم ”اوشنز ٹو ماؤنٹینز”دا وی اعلان کیتا۔
وفاقی وزیر اطلاعات و نشریات آکھیے جو نواں تھیم پاکستان اچ سیاحت دے ودھارے اچ سہولت فراہم کریسی ۔تقریب اچ ایوارڈ جتݨ آلیں دے اہل خانہ دے علاوہ پاکستانی ڈرامہ تے فلم انڈسٹری دی نامور شخصیات شرکت کیتی۔ اے ڳالھ قابل ذکر اے جو آئی ایس پی آر گزریل سال این اے ایس ایف ایف مقابلے دا اہتمام کیتا ہئی ، وزیر اعظم عمران خان گزریل سال ہائی اچیورز ایوارڈ دی تقریب دے مہمان خصوصی ہن۔
