چیف آف آرمی سٹاف جنرل قمر جاوید باجوہ دا سابق صدر محمد رفیق تارڑ دے انتقال تے اظہار افسوس

چیف آف آرمی سٹاف جنرل قمر جاوید باجوہ دا سابق صدر محمد رفیق تارڑ دے انتقال تے اظہار افسوس

چیف آف آرمی سٹاف جنرل قمر جاوید باجوہ سابق صدر محمد رفیق تارڑ دے انتقال تے افسوس تے تعزیت دا اظہار کیتے ۔ پاک فوج دے شعبہ تعلقات عامہ (آئی ایس پی آر) موجب آرمی چیف سابق صدر دے انتقال تے آکھیے جو دعا اے جو اللہ تعالیٰ مرحوم دی مغفرت فرماوے اتے ݙکھی خاندان کوں صبر ݙیوے ۔-

صدر مملکت ڈاکٹر عارف علوی دا سابق صدر محمد رفیق تارڑ دے انتقال تے اظہار تعزیت

 صدر مملکت ڈاکٹر عارف علوی سابق صدر محمد رفیق تارڑ دے انتقال تے افسوس دا اظہار کیتے ، سنوار کوں ایوان صدر دے پریس ونگ توں جاری بیان موجب صدر مملکت سابق صدردی وفات تے ݙکھ دا اظہار کریندے ہوئیں آکھیے جو اللہ تعالیٰ مرحوم دی مغفرت فرماوے، جوار رحمت اچ جاہ ݙیوے ۔ صدر مملکت مرحوم دے  اہل خانہ نال ہمدردی دا اظہار کیتے اتے صبر دی دعا منگی اے ۔

وفاقی وزیر اطلاعات چوہدری فواد حسین دا سابق صدر رفیق تارڑ دے انتقال تے اظہار تعزیت

وفاقی وزیر اطلاعات چوہدری فواد حسین  سابق صدر رفیق تارڑ دے انتقال تے  تعزیت دااظہار کیتے ۔سنوار کوں آپݨے تعزیتی پیغام اچ انہاں آکھیے جو رفیق تارڑ دے انتقال دی خبر سݨ تے افسوس تھئے ، ݙکھے ویلھے انہاں دے خاندان دے ݙکھ اچ برابر دے شریک ہیسے ،چوہدری فواد حسین دعا کیتی جو اللہ تعالی مرحوم کوں آپݨے جوارر حمت اچ جاہ ݙیوے تے لواحقین کوں صبر جمیل ݙیوے آمین۔

چیف جسٹس آف پاکستان تے سپریم کورٹ دے ٻئے معزز ججز صاحبان دا سابق جج جسٹس محمد  رفیق تارڑ دی وفات تے ݙکھ تے افسوس

چیف جسٹس آف پاکستان تے سپریم کورٹ دے ٻئے معزز ججز صاحبان دا سابق جج جسٹس محمد  رفیق تارڑ دی وفات تے ݙکھ تے افسوس دا اظہار کیتے ، سنوار کوں اتھاں چیف جسٹس آف پاکستان جسٹس عمر عطا بندیال تے عدالت عظمی ٰ دے ٻئے معزز ججز صاحبان دی طرفوں جاری تعزیتی بیان اچ سپریم کورٹ دے سابق جج جسٹس محمد رفیق تارڑ دی وفات تے ݙکھ تے افسوس دا اظہار کیتا ڳئے ۔سابق چیف جسٹس گلزار احمد اتے سپریم کورٹ دے ٻئے معزز ججز صاحبان  دعا کیتی اے جو اللہ تعالیٰ  مرحوم  تے آپݨیاں رحمتاں دا نزول کرے،مرحوم کوں جنت الفردوس اچ اعلی مقام عطا کرے اتے  لواحقین کوں ݙکھے ویلھے صبر ݙیوے ،چیف جسٹس عمر عطا بندیال لاہور اچ مرحوم دے گھر ونڄ تے لواحقین نال فاتحہ خوانی کیتی ،مرحوم دی مغفرت اتے اچے درجے کیتے دعا منگی اے ۔