وزیر اعظم عمران خان جنوبی پنجاب دے عوام دی پراݨی خواہش کوں پورا کرݙتے ،وزیر خارجہ مخدوم شاہ محمود قریشی
اسلام آباد :وزیر خارجہ مخدوم شاہ محمود قریشی آکھیے جو وزیر اعظم عمران خان جنوبی پنجاب دے عوام دی پراݨی خواہش کوں پورا کرݙتے۔ سنوار کوں آپݨے ھک ٹویٹ اچ وزیر خارجہ آکھیے جو پی ٹی آئی دے منشور اچ جنوبی پنجاب دے عوام کیتے انڄ صوبہ بݨاوݨ دا وعدہ کیتا ڳئے ۔ میں وزیراعظم عمران خان دا مشکور ہاں جو انہاں جنوبی پنجاب دے عوام دی پراݨی خواہش کوں پورا کریندے ہوئیں تاریخی اعلان دے نال ایں کوں حقیقت دا روپ ݙیوݨ کیتے بھرپور عزم دا اظہار کیتے۔
