ڈائمنڈ جوبلی دا آغاز ٢٣ مارچ دی پریڈ توں تھیسی، فواد چوہدری
ڈائمنڈ جوبلی دی تقریبات دا آغاز 23 مارچ دی پریڈ توں تھیسی ،وفاقی وزیر اطلاعات و نشریات چوہدری فواد حسین
اسلام آباد۔7مارچ (اے پی پی):وفاقی وزیر اطلاعات و نشریات چوہدری فواد حسین آکھیے جو ملک دی آزادی دا 75 واں سال اے، اڄوکے سل سارے ادارے شاندار تقریبات دا انعقاد کریسوں ،ڈائمنڈ جوبلی دی تقریبات دا آغاز 23 مارچ دی پریڈ توں تھیسی جیں اچ سارے اسلامی ملکاں دے وزرائے خارجہ دے علاوہ کجھ یورپی ملکاں دے اہم وزرائے خارجہ اتے نمائندے شرکت کریسن ، قیام پاکستان توں ہݨ تئیں دی کہانی کوں ݙکھاوݨ دی کوشش کریسوں تے انہاں لمحات کوں یادگار بݨایا ویسی ، اے ڳالھ انہاں پاکستان دی ڈائمنڈ جوبلی دے لوگو دی تقریب رونمائی توں خطاب کریندے ہوئیں آکھی اے وزیر اطلاعات و نشریات آکھیے جو اڄوکے سال سارے ادارے شاندار تقریبات دا انعقاد کریسن ، ڈائمنڈ جوبلی دی تقریبات دا آغاز 23 مارچ دی پریڈ توں تھیسی تے 14 اگست کوں وی اہم تقریبات منعقد کیتیاں ویسن ، انہاں آکھیے جو یوم پاکستان 23 مارچ دی پریڈ خصوصی پریڈ ہوسی جیں اچ اسلامی ملکاں دے وزرائے خارجہ دے علاوہ کجھ یورپی ملکاں دے وزرائے خارجہ اتے اہم نمائندے شرکت کر یندے پئن ۔ چوہدری فواد حسین آکھیے ساݙی کوشش ہوسی جو اساں آپݨی تاریخ دی ساری شاندار کہانیاں کوں سامݨے گھن آؤں ،پاکستان دی آزادی دا 75 واں سال اے اتے وزارت اطلاعات و نشریات کوں ٹاسک ݙتاڳیا ہئی جو ڈائمنڈ جوبلی دی تقریبات دا چارٹ تشکیل ݙتا ونڄے جیں اچ وزارت اطلاعات و نشریات دے سارے شعبیں تے ساریاں وزارتاں تے محکمیں آپݨا کردار دا کیتے تے جامع پروگرام تشکیل ݙتن جیںدا آغاز 23 مارچ توں کیتا ویسی ۔
