علیم خان ترین گروپ اچ شامل، تحریک عدم اعتماد آئی تاں مل تے فیصلہ کریسوں
حکمران جماعت پاکستان تحریک انصاف پی ٹی آئی دے سینئر رہنما علیم خان نے جہانگیر ترین گروپ اچ شمولیت دا اعلان کریندے ہووے اپنڑیں پارٹی دی حکومت پنجاب دی کارکردگی تے گہری تشویش دا اظہار کر ݙیتا
لاہور اچ میڈیا نال گالھ مہاڑ کریندے ہووے جہانگیر ترین گروپ دے سینئر رکن سعید اکبر نوانی دا آکھݨ ھا کہ اج جہانگیر ترین گروپ دا اجلاس ھا تے اساں سارے دوست اکٹھے تھئے تے اساں کوں وڈی خوشی تھئی کہ علیم خان نے اج اساڈے گروپ اچ شمولیت دا العان کیتا تے آئندہ جہانگیر ترین دی قیادت اچ جو لائحہ عمل بنڑسی ایں تے اساں سارے گروپ مل تے عمل کریسوں۔
انہاں اے آکھیا کہ ملاقات مشاورتی ملاقات ھائی دوستاں اچ بیھ تے گالھ کرݨ دی ملاقات ھائی تے اکٹھے رھاوݨ دی ملاقات ھائی تے اساں اے ڈیکھاونڑاں ھا کہ اگر جہانگیر ترین ملک اچ نہ ہوندے تاں ملاقات انہاں دی سربراہی اچ انہاں دے گھر اچ تھیندی پئی ھِ
انہاں دا آکھݨ ھا کہ جہانگیر ترین دے گھر اچ ملاقات اچ کیتھیں اے تاثر نہ ونجے کہ اساں ترین دے ونجݨ دے بعد کھینڈ گئے سے اساں تاں اپنڑین گروپ اچ ھیں تے گروپ دے نال ہیں جہانگیر ترین دے ڈوجہے رکن نعمان لنگڑیاں دا آکھݨ ھا کہ علیم خان کوں مبارکباد پیش کریندا ھاں کہ او اج جہانگیر ترین گروپ اچ شام تھئے تے جہانگیر ترین تے اعتماد دا اظہار کیتا۔ انہاں آکھیا کہ سب دے اج ایتھاں کٹھے تھیوݨ دا مقصد ھا کہ جہانگیر ترین کجھ ڈینھ توں شدید علیل ھن ، ھن صحت کجھ بہتر ھِ تے اساں سب انہاں دی دلجوئی کیتے کٹھے تھئے تے انہاں دی صحت یابی پاروں دعا کیتی۔
