اپویشن کوں ایہو جئی شکست ڈیسوں کہ ٢٠٢٨ تک نہ اُٹھ سکسی، وزیر اعظم

اپویشن کوں ایہو جئی شکست ڈیسوں کہ ٢٠٢٨ تک نہ اُٹھ سکسی، وزیر اعظم

وزیر اعظم عمران خان نے اپوزیشن کوں خبردار کریندے ہووئے آکھیا کہ انہاں دی آخری واردات ہوسی تے اساں انہاں کوں ایہو جئی شکست ڈیسوں کہ اے ٢٠٢٨ تک نی اٹھ سکدے۔

وزیر اعظم عمران خان نے اسلام آباد اچ ڈییٹل میڈیا دے صحافیاں نال گالھ مہاڑ کریندے وہوے آکھیا کہ حکومت کیتھیں کینی ویندی پئی بلکہ مزید تگڑی تھئی تے آسی میں خوش ھاں کہ انہاں دی آخری واردار ہوسی تے اساں انہاں کوں شکست ڈیسوں اے سال ٢٠٢٨ تک نہ اٹھ سکسن۔

انہاں آکھیا کہ اگر تحریک عدم اعتماد ناکام تھئی گئی تاں ول کیا ہوسی ایں ویلے مائنڈ گیم چلدی پئی ھِ تے میں مائنڈ گیم دا ماسٹر ھاں ، عثمان بزدار ھک آسان ٹارگٹ ھِ تے او صرف انہاں کوں برے لگدے ھن جو وزیر اعلی دے امیدار ھن جبکہ جہانگیر ترین کوں میں جانڑداں او کڈھیں چوراں دے نال نہ ملسن۔ انہاں دا آکھݨ ھا کہ ایہو ہی اتنا شور نہیں مچا ہویا ہر جا تے پیسہ چلا ہویا ھِ ارکان کوں ١٨ ، ١٨ کروڑ روپے دی آفرز ڈیتی ویندی پئی ھِ یوسف رضا گیلانی دے پتراں نے آراکین کوں پیسے ڈیتے۔ کہیں نے کوئی ایکشن نی گھیدا جبکہ میں تاں اراکین کوں آکھے کہ انہاں توں پیسے گھینو تے غریباں اچ ونڈو۔

عمران خان دا آکھݨ ھا کہ اپوزیشن دے پچھوں ھک ہتھ کینی ، کئی بیرونی ہتھ ھن جو لوگ آزار خارجہ پالیسی نی ڈیکھݨ چاھندے او انہاں کوں سپورٹ کریندے ھن اساڈے تمام ممالک نال چنگے تعلقات ھن میں نہ تاں امریکا دا مخالف ھاں نہ بھارت دا بکہ انہاں دی حکومتی پالیسیاں تے تنقید کریندا ھاں۔ انہاں آکھیا کہ کپتان ھک دم اپنڑیں اپنڑیں حکمت عملی نی ڈسیندا ، میں تاں ساری تیاری رکھی ھائی ، فوج پاکستان دے نال کھڑی ھِ تے او کڈھیں انہاں چوراں دا ساتھ نہ ڈیسی ، اپوزیشن دے نال عوام کینی تاں ھݨ اے اکھیندے ھن اسٹیبلشمنٹ اساڈے نال ھِ انہاں دا آکھݨ ھا کہ تھئی سکدا ھِ امریکا ، بین الاقوامی مالیتی فنڈ دے ذریعے اساں تے دباو پاسی لیکن ایں ویلے آوݨ تے ڈیکھسوں۔ ھک سوال دے جواب اچ انہاں آکھیا کہ نومبر بہوں دور ھِ جئیں ویلے ویلا آسی تاں فیصلہ کریسوں۔

واضح رھاوے کہ اپوزیشن نے وزیر اعظم عمران خان دے خلاف تحریک عدم اعتماد قومی اسمبلی سیکریٹریٹ اچ جمع کرا ڈیتی ھِ اپوزیشن نے تحریک عدم اعتماد جمع کراوݨ دے نال ھی قومی اسمبلی دا اجلاس سڈھݨ دی ریکوزیشن وی جمع کرا ڈیتی ھِ قومی اسمبلی دا اجلاس سڈھݨ کیتے جمع کرائی ونجݨ والی ریکوزیشن توں متعلق رہنما پیپلز پارٹی نوید قمر دا آکھݨ ھا کہ ١٤٠ اراکین قومی اسمبلی دے دستخط دے نال اجلاس سڈھݨ دی ریکوزیشن جمع کرائی گئی ھِ

قومی اسمبلی اچ تحریک عدم اعتماد دی کامایبی پاروں ایندی حمایت اچ ١٧٢ ووٹ درکار ھم اسپیکر قومی اسمبلی کوں تحریک عدم اعتماد تے ٧ روز دے اندر کارروائی کرنی ہوسی ۔ قومی اسمبلی دی ویب سائٹ دے مطابق پی ٹی آئی کوں اپنڑیں اتحادیاں سمیت ١٧٨ اراکین دی حمایت حاصل ھِ جنہاں اچ پی ٹی آئی دے ١٥٥ ارکان ، ایم کیو ایم دے ٧ ، پی اے پی دے ٥، مسلم لیگ ق دے ٥ اراکین ، جی ڈی اے دے ٣ تے عوامی مسلم لیگ دا ھک رکن شامل ھِ

ڈوجہے پاسے حزب اختلاف دے کل ارکان دی تعداد ١٦٢ ھِ انہاں اچ مسم لیگ دے ٨٤ پاکستان پیپلز پارٹی دے ٥٧، متحدہ مجلس عمل دے ١٥ ، بلوچستان نیشنل پارٹی دے ٤ جبکہ عوامی نشنل پارٹی دا ھک رکن شامل ھِ ایندے علاوہ ݙو آزاد اراکین وی ایں اتحاد دا حصہ ھن۔

Similar Posts

Leave a Reply

Your email address will not be published. Required fields are marked *