اسلام آباد اچ اوچیاں عمارتاں بنڑاوݨ دے منصوبیاں دا وزیر اعظم دی زیر صدارت اجلاس

وزیراعظم عمران خان دی زیر صدارت اسلام آباد اچ ہائی رائز (بلند عمارتاں) دے منصوبیں دے حوالے نال جائزہ اجلاس

اسلام آباد۔8مارچ  (اے پی پی):وزیر اعظم عمران خان آکھیے دارلحکومت اچ ودھدی ہوئی آبادی اتے اسلام آباد دے بے ہنگم کھنڈݨ دے پیش نظر اوچیاں عمارتاں تعمیر کرݨ ضروری اے ، کمرشل اتے رہائشی منصوبیں اچ ٻاہرلے ملک پاکستانیاں دی سرمایہ کاری توں قیمتی زر مبادلہ حاصل تھیسی۔ اے ڳالھ انہاں منڳل کوں اسلام آباد اچ ہائی رائز (بلند عمارتاں) دے منصوبیں دے حوالے نال جائزہ اجلاس دی صدارت کریندے ہوئیں ۔ وزیراعظم آکھیے جو دارالحکومت اچ ودھدی ہوئی آبادی اتے اسلام آباد دے بے ہنگم کھنڈݨ دے پیش نظر اوچیاں عمارتاں تعمیر کرݨ ضروری اے  انہاں آکھیے حکومت ٻاہرلے ملک رہݨ آلے پاکستانیاں کیتے محفوظ سرمایہ کاری دے مواقع پید کریندی پئی اے  ، کمرشل اتے رہائشی منصوبیں توں قیمتی زر مبادلہ حاصل تھیسی جیڑھا جو ݙوجھے فلاحی کماں تے خرچ کیتا ویسی ۔

وزیرِ اعظم عمران خان نال اراکینِ قومی اسمبلی دی انڄ انڄ ملاقات

اسلام آباد۔8مارچ  (اے پی پی):وزیرِ اعظم عمران خان نال ارکان قومی اسمبلی انڄ انڄ ملاقاتاں کیتن ۔ منگل کوں وزیراعظم آفس دے میڈیا ونگ توں جاری بیان موجب اراکین قومی اسمبلی فضل محمد خان، محمد افضل خان ڈھانڈلہ، غلام محمد لالی، امجد خان نیازی، مخدوم سمیع الحسن، یعقوب شیخ، ساجدہ ذوالفقار اتے عندلیب عباس ملاقاتاں کیتن ۔ وفاقی وزراء اسد عمر، پرویز خٹک، شفقت محمود اتے معاونِ خصوصی ملک عامر ڈوگر وی ملاقاتاں اچ موجود ہن ۔ ملاقاتاں اچ متعلقہ حلقیں دے امور تے جاری ترقیاتی منصوبیں اتے موجودہ ملکی سیاسی صورتحال تے ڳالھ مہاڑ کیتی ڳئی اے ۔