ہتھاں دی زنجیر ھݨ کھل گئی ھِ ، پہلا نشانہ آصف زرداری ھوسی، وزیر اعظم

وزیر اعظم عمران خان نے آکھیا کہ میڈے ہتھاں اچ جو زنجیر بدھی ہوئی ھائی او ھݨ کھل گئی ھِ تے میڈا پہلا ھدف آصف علی زرداری ہوسن جو کافی عرصے توں میڈی بندوق دے نشانے تے ھ، ۔

گورنر ہاوس کراچی اچ کارکناں نال خطاب کریندے ہووے وزیر اعظم عمران خان دا آکھݨ ھا کہ علی زیدی تے انہاں دی ٹیم دے دورے نال اے گالھ واضح تھئی گئی ھِ کہ سب توں زیادہ تبدیلی دی لوڑ سندھ اچ ھِ

انہاں آکھیا کہ سندھ دے لوگ ڈاکو زرداری توں آزادی چاھندے ھن ، علی زیدی تے شاہ محمود قریشی دے بعد ھݨ میں سندھ دا دورہ کریساں۔ وزیر اعظم نے جلسے دے شرکاء کوں کے سی آر مبارکباد پیش کرندے ہووے آکھیا کہ سی آر مکمل تھیوݨ والا ھِ تے کراچی دے شہریاں کوں گرین لائن مبارکباد وی کرنا چاھندا ھاں۔

انہاں آکھیا کہ کراچی دا پیکج آہستہ آہستہ سبھ دے سامنڑیں آندا ویسی، میکوں یقین ھِ کہ پاکستان دی تاریخ اچ اتنا کم کراچی کیتے کہیں نی کیتا۔ انہاں دا آکھݨ ھا کہ میں پاکستانیاں دا شکریہ ادا کرݨ چاھنداں کہ انہاں پاکستان دی تاریخ دا سب توں زیادہ ٹیکس اساڈی حکومت اچ ادا کیتا تے ایں پاروں اساکوں عوام دا بوجھ گھٹ کرݨ دی توفیق ملی ، ایں واسطے اساں پیٹرول تے ڈیزل تے ١٠ روپے گھٹ کیتے

وزیر اعظم نے آکھیا کہ جئیں ویلے ڈیزل تے بجلی دی قیمتاں آسمان نال گالھیں کریندیاں پیاں ھن تے اساں ڈونہاں دی قیمت گھٹ کیتی۔ پاکستان اچ ڈیزل سب توں زیادہ سستا ھِ جبکہ دبئی اچ انہاں دی زمین توں تیل نکلدا ھِ لیکن اوتھاں وی پیٹرول مہنگا ھِ

وزیراعظم عمران خان آکھیے جو 30 سال تئیں ملک دی رت پیوݨ آلا چوراں دا ٹولہ میݙے خلاف کٹھا تھی ڳئے، اے ملک نئیں اپݨے آپ کوں بچاوݨ نکلیے ہوئن، اساں رل تے انہاں کوں توڑ پچیسوں اتے تحریک عدم اعتماد چور ڈاکو ٹولے دی سیاسی موت ثابت تھیسی، اپوزیشن ساݙے ارکان اسمبلی کوں ملھ ڳھنݨ اچ ردھے ہوئن، پاکستان سارے ڄڳ نال دوستی چاہندے، جیکر کوئی امن کیتے آیا تاں ضرور نال تھیسوں بھل جنگ اچ کہیں دے نال نسے۔ اے ڳالھ انہاں گورنر ہائوس کراچی اچ تحریک انصاف دے کارکناں نال خطاب اچ آکھی۔ انہاں آکھیا جو ساݙے لوکاں ریکارڈ ٹیکس ݙتن تہوں ریلیف وی ݙتے نتاں پورے ڄڳ اچ تیل مہانڳا تھیندا پئے، حکومتی اقدامات نال اڄ برآمدات، ٹیکس وصولی اتے ترسیلات زر ملکی تاریخ اچ بلند ترین سطح تے ہین، پچھلے چار سال اچ فصلاں دی ریکارڈ پیداوار تھئی اے، ملک صحیح سمت اچ ویندا پئے تہوں اے لوک عدم اعتماد دی آدر اچ ہین، انہاں کوں ݙر اے جیکر اے حکومت ہر اوکھ توں نکل ڳئی تاں ساݙا کیا تھیسی، ملک ݙیوالہ تھیوݨ آلا ہا ٻھل اساں آن سنٻھالیے۔ اپوزیشن عدم اعتماد دی تحریک جمع کرا تے او کم کیتے جینداں میں دعائیں منڳدا ہم جو ” گیدڑ دی ڄݙاں موت آندی اے تاں او شہر دو منہ کریندے، انہاں دا حال وی ایہو تھیوݨ آلا اے۔ وزیراعظم آکھیے جو چنڳاں کپتان ہر شے دی پہلے منسؤبہ بندی کریندے جو کامیابی کیویں ملسی؟ انہان ݙاکواں چوران دے خلاف 25 سال توں لڳا ہویاں اے سیاست نئیں جہاد اے جیڑا اساں رل تے کرݨے، اے روز احتجاج، مارچ اتے تحریکاں ڳھن آندن اتے آپ ملک دا مال لٹ تے بیرون ملک ونڄ لکیندن، پہلے میݙے ہتھ ٻڈھے ہن ٻھل ہݨ میں انہاں کوں نہ چھڑیساں، میݙا پہلا نشانہ آصف علی زرداری ہوسی جیڑھا او ظالم اے جو پولیس کوں بندی ٻݨا تے رکھدے، کمیشن کھاندے، پورے ڄڳ اچ مال لکیندے، زرداری تیݙی واری آڳئی اے جو جناب پیسے دیاں ٹوکریاں ڳھن تے میݙے ارکان اسمبلی دے پچھو درکدے ودن، میں آکھیے جو اے ھرام دا پیسہ ڳھن ڳھنو اتے کہیں یتیم خانے اتے غریب دے کمیں لائو۔ وزیراعظم زرداری کوں بیماری، شہباز کوں شوباز تے بوٹ پالیشیا قرار ݙیندے آکھیے جیکر انہاں کوں عدالت سݙے تاں مچلے ٻݨ تے بیمار ٻݨ ویندن، انہاں توں پیسہ ولا کݙھ تے بجلی اتے تیل دا ملھ ٻیا ڳھٹیساں اتے تیکھے اتے جیل اچ ہوسن۔ وزیراعظم اکھیے جو فضل الرحمن وی انہان دے نال رلیا ہوئے جیندے بغیر کہیں کاروبار دے ارباں روپے دے اثاثے ہین، جیکر نیب سݙے تاں مولان اہدے جو 10 ہزار طلبہ ڳھن آساں، اے ݙو ہزار بندے کٹھے کریسن تاں میں انہاں دے پچھو ہک لکھ کارکن ڳھن آساں، انہاں دے خلاف جنگ کلہی عمران خان دی نئیں ہک ہک ٻال دی اے جیڑھی اساں رل تے ٻھڑسوں اتے انہاں کوں توڑ پچیسوں جیڑھے کݙاھیں وی ملکی مفاد کیتے کٹھے نئیں تھئے۔

انہاں آکھیا کہ اے ملک ھک وڈے عظیم خواب دا نام ھِ اللہ دے سوا کڈھیں کہیں دے سامنڑیں نہ جھکدے تے اے ڈاکو ہر بیرون طاقت دے سامنڑیں جھکدے رے پاکستان تے پچھلے ١٠ سال اچ ٤٠٠ ڈرون حملے تھئے ، جئیں ویلے زرداری تے نواز شریف اقتدار اچ ھن ، عمران خان آکھا کہ میں سمجھدا ھاں کہ پاکستان کوݨ تمام مکاں نال دوستی کرنی چاھیدی ھِ لیکن میں کہیں کوں اپنڑیں ملک دے مفادات دے خلاف ونجݨ دی اجازت نہ ڈیساں۔