نوجوان ملی معیشت اچ اھم کردار ادا کرسڳدن، آن لائن کم کرݨ دے موقع ڈیتے ونجن

نوجوان ملکی معیشت اچ اہم کردار ادا کرسڳدن،تریمتاں کوں آن لائن ای بزنس اتے پارٹ ٹائم ملازمتاں اچ موقع ݙتے ونڄن ،صدر ڈاکٹر عارف علوی

اسلام آباد۔ صدر مملکت ڈاکٹر عارف علوی نوجواناں دی صلاحیتاں توں بھر پورفیدہ چاوݨ تے زور ݙیندے ہوئیں آکھیے جو او ملکی معشیت اچ اہم کردار ادا کرسڳدن ، انہاں ملکی ترقی یقینی بݨاوݨ کیتے تریمتاں کوں قومی دھارے اچ رلاوݨ تے زور ݙتے ، اے ڳالھ انہاں سنوار کوں مسلم یوتھ یونیورسٹی دے پہلے کانووکیشن توں خطاب کریندے ہوئیں آکھی اے ۔ صدر مملکت آکھیے جو تریمتاں کوں معاشی ترقی اچ مساوی شراکت دار دے طورتے موقع نی ملدے جیں پارون ملک اچ حقیقی خوشحالی نی آئی ۔ انہاں تریمتاں کوں بااختیار بݨاوݨ کیتے انہاں دی شمولیت یقینی بݨاوݨ تے عوامی جہیں تے موقع پیدا کرݨ ری لوڑھ تے زور ݙتا ۔ انہاں آکھیے جو تریمتاں کوں آن لائن ای بزنس اتے پارٹ ٹائم ملازمتاں اچ موقع ݙتے ونڄن تاں جو او آپݨے پیشے نال جڑیاں رہن ، انہاں آکھیے جو نینگراں کیتے کامیاب جوان پروگرام اتے بینکاں دی طرفوں جاری ٻیاں قرض سکیماں پاروں وسیع مواقع پیدا تھعن ۔ گریجو یٹس انہاں موقع توں فیدہ چاون تے آپݨے پیشہ وارانہ شعبیں اچ کامیابیاں حاصل کرن۔ اے پی پی

دنیا اچ امن کیتے اقوام اپݨے مفاد تے مبنی قوانین دی بجائے اخلاقیات تے مبنی ورلڈ آرڈر کوں ودھارا ݙیون ، صدر   ڈاکٹر عارف علوی

اسلام آباد:صدر مملکت ڈاکٹر عارف علوی آکھیے جو دنیا اچ امن کیتے اقوام اپݨے مفاد تے مبنی قوانین دی بجائے اخلاقیات تے مبنی ورلڈ آرڈر کوں ودھارا ݙیون، اے ڳالھ انہاں سنوار کوں  پاکستان انسٹی ٹیوٹ فار پارلیمنٹری سروسز اچ تقریب توں خطاب کریندے ہوئیں آکھی اے ، انہاں آکھیے جو نوجواناں دا مستقبل روشن اے، ملک کوں مستحکم کرݨ اچ نوجواناں دا اہم کردار اے۔انہاں آکھیے جو پاکستان کنے سنہری موقع اے۔ دنیا ٹیکنالوجی اچ تکھے ترقی کریندی پئی اے ، اساں فیصلہ سازی اچ سستی داشکار ہیسے جݙاں جو دنیا فوری فیصلے کریندی پئی اے ۔جے پارلیمنٹ سودھے بئے فیصلہ ساز ادارے فوری فیصلے نہ کریسن تااں قوم ترقی نہ کرسڳسی ، انہاں آکھیے جو پاکستان کوں تکھے ٹیکنالوجی دے ایں رستے کوں اپناوݨا ہوسی  ترقی دا ایہو ھکو رستہ اے ۔اے پی پی