اسد قیصر

اسپیکر قومی اسمبلی اسد قیصر دیخلاف وی تحریک عدم اعتماد جمع

اپوزیشن نے وزیر اعظم عمران خان ، سابق وزیر اعلی عثمان بزدار دے بعد ھݨ اسپیکر قومی اسمبلی اسد قیصر دیخلاف وی تحریک عدم اعتماد جمع کرا ڈیتی

Surprise @AsadQaiserPTI @ImranKhanPTI 😊 pic.twitter.com/UT8VIiT48v

— BilawalBhuttoZardari (@BBhuttoZardari) April 3, 2022


حزب اختلاف دی جماعتاں دی طرفوں اسپیکر دیخلاف عدم اعتماد دا اے اقدام اج قومی اسمبلی دے انتہائی اہم اجلاس توں کجھ ویلے چاتا گئیا جیندے اچ وزیر اعظم عمران خان دیخلاف تحریک عدم اعتماد تے ووٹنگ تھیونڑی ھائی، ایں ضمن اچ پاکستان پیپلزپارٹی دے چیئرمین بلاول بھٹو زرداری نے ھ ٹوئٹ اچ قرار داد دی تصویر شیئر کریندے ہووے وزیر اعظم عمران خان تے اسد قیصد کوں مینشن کیتا۔

اسپیکر دیخلاف تحریک عدم اعتماد قومی اسمبلی دے سیکریٹری کوں مسلم لیگ ن دے رکن قومی اسمبلی مرتضی جاوید عباسی دی طرفوں جمع کروائی گئی ۔ اپوزیشن دی جمع کرائی گئی تحریک عدم اعتماد تے سو توں ودھ اراکین قومی اسمبلی دے دستخط موجود ھن ایں حوالے نال مرتضی جاوید عباسی دا آکھݨ ھا کہ ڈپٹی اسپیکر قاسم سوری دیخلاف وی تحریک عدم اعتماد تیار تھندی پئی ھِ انہاں آکھیا کہ اسپیکر اسد قیصر دیخلاف تحریک جعم نہ کرویندے تاں اپوزیشن کیتے مسائل پیدا تھئی سکدے ھن ، تحریک جمع تھیوݨ دے بعد ھݨ اجلاس ٧ روز تک ملتوی نی کیتا ونج سکدا۔

خیال رھاوے کہ مجموعی طور تے اپوزیشن دی طرفوں حکومتی اراکین دیخلاف ھݨ تک اے تریجھی تحریک عدم اعتماد ھِ سبھ توں پہل ٨ مارچ کوں وزیر اعظم عمران خان دیخلاف عدم اعتماد دی تحریک جمع کرائی گئی ھائی جیندے باقاعدہ طور تے ٢٨ مارچ کوں ایوان اچ پیش کیتا گئیا ھا ڈوجہی تحریک عدم اعتماد سابق وزیر اعلی پنجاب عثمان بزدار دیخلاف جمع کرائی گئی ھائی تاہم انہاں ایں روز اپنڑاں استعفی وزیر اعظم کوں پیش کر ڈیتا ھا ۔

Similar Posts

Leave a Reply

Your email address will not be published. Required fields are marked *