اسد قیصر مستعفی

اسپیکر قومی اسمبلی اسد قیصر اپنڑیں عہدے توں مستعفی

اسپیکر قومی اسمبلی اسد قیصر نے وزیر اعظم عمران خان دیخلاف اپوزیشن دی تحریک عدم عتماد تے ووٹنگ توں انکار کریندے ہووے اپنڑیں عہدے توں استعفے دا اعلان کر ݙیتا۔

اسپیکر اسد قیصر نے وزیر اعظم عمران خان دیخلاف اپوزیشن دی تحریک عدم اعتماد تے ووٹنگ دے حوالے نال جاری اجلاس اچ طویل وقفے دے بعد قومی اسمبلی اچ آ تے آکھیا کہ زمینی حقائق دے تحت میں اج اے فیصلہ کیتا ھِ کہ نویں دستاویزات دے تحت فیصل کیتا ھِ کہ میں اسپیکر دے عہدے تے قائم نی رہ سکدا تے استعفی ڈیندا پیاں۔

انہاں آکھیا کہ میں ٢٦ سال توں عمران خان دے نال رھیا تے واسٹوڈنٹ لائف توں تحریک انصاف دا کارکن ھاں ۔ اسد قیصر دا آکھݨ ھا کہ میں ٢٦ سال توں پی ٹی آئی تے عمران خان دے نال رھیا ھاں

انہاں دا آکھݨ ھا کہ اساڈے کیتے سبھ توں پہلے پاکستان ھِ عمران خان نے ملک دی خوداری تے آزادی پاروں ھک موقف اپنایا ھِ تے او ایں تے ڈٹ تے کھڑے ھن۔ انہاں دا آکھݨ ھا کہ میں آئین دے تحت حلف چا گھیدے تے میں ایندا پابند ہاں ، حلف دے مطابق میں ریاست پاکستان دی سالمیت تے خود مختاری دے تحفظ دا پابند ھاں۔

انہاں آکھیا کہ کابینہ دی طرفوں میکوں نویں دستاویز موصول تھئی ھِ اے دستاویز میڈے دفتر اچ موجود ھِ قائد حزب اختلاف اے دستاویز ڈیکھݨ چاھندن تاں ڈیکھا سکدے ہیں اے دستاویز چیف جسٹس کوں وی ڈیکھائی ویسی تے ایندی بیرونی سازش دیخلاف پاکستان دے نال سب کوں کھڑا تھیونڑاں چاھیدا ھِ

اسپیکر اسد قیصر نے وزیر اعظم نال ملاقات دے پنجھویں واری وقفے دے بعد اجلاس دی سربراہی کریندے ہووے استعفے ڈیوݨ دا اعلان کیتا تے ایوان دی باقی کارروائی پینل اف چیئرمین دے رکن ایاز صادق دے سپرد کیتی۔ واضح رھاوے کہ سپریم کورٹ نے ٧ اپریل کوں ڈپٹی اسپیکر قاسم سوری دی طرفوں وزیر اعظم عمران خان دیخلاف گھن آئی گئی تحریک عدم اعتماد کوں مسترد کرݨ دی رولنگ ڈیتی ھائی تے صدر مملک دے قومی اسمبلی تحلیل کرݨ دے فیصلے کوں غیر آئنی قرار ڈیتا ھا ۔

Similar Posts

Leave a Reply

Your email address will not be published. Required fields are marked *