دریائے سندھ دے پسماندہ سرائیکی شہار کلور کوٹ تے پیلاں واسطے پل ناگزیر ھِ

0
4

دریائے سندھ دے پسماندہ سرائیکی شہار کلور کوٹ تے پیلاں واسطے پل ناگزیر ھِ

پیلاں تے کلور کوٹ دے عوام اتحاد اچ رہ تے ڈونہیں جگاہواں تے پل دا مطالبہ کرنا چاھیدا ھِ کیونکہ اے وقت دی ضرورت ھِ ، علاقہ مکین تے معززین دا مطالبہ

ڈیرہ اسماعیل خان(سرائیکی نیوز۔ بلال احمد سپرا) اج توں ٢٠ سال پہلے کلور کوٹ وجن والے رستے دریائے سندھ دے ظالم لہراں نے ڈھاون شروع کر ڈیتا اے اوں ویلے دے وزیر اعظم نے کلور کوٹ پل دے بدلے بند بنڑاون دا پلان بنڑایا جیھڑا کہ سراسر کلور کوٹ تے ڈیرہ اسمعیل خان دے نال زیادتی دے مترادف ھِ اصولاً  تاں کلور کوٹ کوں پل دے نال بن ڈیتا ویندے ، پل بنڑاون کیتے بن بنڑاوݨ وی ضروری ہوندے کلورکوٹ دی عام نے شہر بچاوݨ دے بدلے اے سودا قبول کیتا ، بعد اچ ایں پل دا ہر دور وعدہ کیتا ویندا رھا عوام وی جھوٹے وعدے سݨ سݨ تے تھک گئے آخر کار ٢٠ سال بعد چائنہ کوریڈور (ڈیرہ اسماعیل خان ، اسلام آباد موٹر وے) بنڑن دی وجہہ نال کوریڈور کوں نشینل ایم ایم روڈ دے نال گنڈھݨ کیتے مقامی ایم این اے دی کوشش نال دوبارہ حکومت کوں مجبوران ایں پل دی تعمیر این 55 ہائی وے کیتے ٹینڈر دا اجرا کرݨ دے بعد تعمیر تھیونڑی ھِ غریب ترین تحصیل کلور کوٹ اچ اے ھک واحد پل ھِ جو تحصیل کوں ملک دی اہم شاہراہ نال رلا سکدی ھِ نا صرف کلورکوٹ بلکہ پیلاں کیتے وی بہوں ہی مفید ہوسی ھݨ اگر پیلاں دے لوگ ایندے مخالفت کریندن تے کلور کوٹ دے لوگ پیلاں پل دی تاں نا پل کلور کوٹ اچ بنڑسی تے نا پیلاں اچ تے نقصان سراسر ڈونہاں شہراں دا ہوسی ، اے سرائیکی شہار پہلے ہی پسماندگی دا شکار ھن ۔  ڈونہاں شہاراں کلورکوٹ تے پلاں کوں چاھیدے کہ ھک ڈوجہے دی مخالفت کرن توں بہتر ھِ  ڈونہاں جاواں تے پل دا مطالبہ کرن کیونکہ پل وقت دی اہم  ضرورت ھِ جیندے نال آمدروفت تے تجارت دی ترسیل اچ آسانی رھاندی ھِ  علاقہ مکیناں تے معززین علاقے نے مطالبہ کیتا ھِ کہ کلورکوٹ تے پیلاں دا دیرنہ مطالبہ پل دی تعمیر جلد کیتی ونجے تاکے اے ڈونہیں شہار قومی شہاراواں دے نال جڑ سکن۔

LEAVE A REPLY

Please enter your comment!
Please enter your name here