اسلام آباد ۔ سارہ قتل کیس دے مرکزی ملزم شاہنواز امیر دے والد سینئر صحافی ایاز امیر کوں عدالت اچ پیس کیتا گئیا جیتھاں انہان دا ھک ڈینھ دا جسمانی ریمانڈ منظور کر گھیدا گئیا

سینئر صحافی کوں ڈیوٹی جج ایسٹ زائد ترمزی دی عدالت اچ پیس کیتا گئیا ایاز امیر کوں گزریل رات تھانڑاں شہزاد ٹاون پولیس نے گرفتار کیتا ھا ۔ پیشی دے دوران پولیس دی طرفوں ایاز امیر دے جسمانی ریمانڈ دی استدعا کیتی گئی ملزم ایاز امیر نے آکھیا کہ میں خود پولیس کوں اطلاع ڈیتی ، ایس ایچ او کوں فارم ھاوس دا پتہ تک میں ڈیتے۔ ملزم دے وکیل آکھیا کہ ایاز امیر مقدمہ اچ نامزد کینی ، پولیس دی استدعا ڈیتی کہ ملزم ایاز امیر کوں شامل تفتیش کرنا ھِ جسمانی ریمانڈ منظور کیتا ونجے، کیس بہوں ھائی پروفائل ھِ کینڈین نژاد پاکستانی خاتون سارہ کوں قتل کیتا گئیا ھِ وکیل صفائی نے آکھیا کہ میڈے موکل ایاز میر دیخلاف کوئی ثبوت کینی ۔ ایں دوران ایاز امیر نے عدالت اچ بولݨ دی استدعا کیتی جئیں تے عدالت نے ایاز امیر کوں روسٹم تے سڈھا جیتھاں ایاز امیر آکھیا کہ میں آئی جی اسلام آباد کوں کال کر تے وقعے بارے ڈسایا کہ میڈے فارم ھاوس دا ایڈریس ڈسایا ، میکوں ہی گرفتار کر گھیدا گئیا۔ایاز امیر آکھیا کہ شاھنوار ملزم ھِ ایں نال کوئی ہمدردی کینی عدالت نے تفتیشی توں استفسار کیتا کہ ایاز میر کوں کیوں گرفتار کیتا گئیا ھِ کیا تفتیس کرنی ھِ

تفیشی افسر جواب دیتا کہ ایاز امیر شاھنواز امیر دی چکوال اچ تھیوم والی شادی اچ موجود ھن، ایاز امیر نے مقتولہ چھوکری توں حقائق لوکائے۔ ملزم ایاز امیر نے آکھیا میں کہ شادی توں پہل لڑکی کوں ڈسایا ھا کہ شاھنواز امیر دی ڈو شادیاں تھئی چکیاں ھن، شاھنواز امیر نشے دا عادی ھِ سارہ آکھیا ھا کہ شاھنواز امیر دا دل سونے دا ھِ ۔ اسلام آباد پولیس نے ایاز امیر کوں نہو دے قتل دے مزدمے اچ نامزد کیتا ھا مقدمے اچ ٣٠٢ دے نال دفعہ ١٠٩ وی شامل کیتی گئی ھِ مقدمے اچ ایاز امیر دی اھلیہ کوں وی نامزد کیتا گئیا ھِ تاہم تاحال انہاں کوں گرفتار نی کیتا ونج سکدا مقامی عدالت نے گزریل ڈینھ انہان دے ورانٹ گرفتاری جاری کرݨ دے بعد انہاں کوں گرفتار کیتا ھا۔

کتیاں کوں مارݨ غیر اخلاقی رویہ تے جانوراں دے حقوق دیخلاف ورزی ھِ ایندے پیش نظر کیپٹل ڈیولپمنٹ اتھارٹی سی ڈی اے دا پاکستان ءچ پہلا کتیاں دی آبادی دا کنٹرول سینٹر قائم کیتا گئیا ھِ

اخباری رپورٹ دے مطابق ترلائی دے علاقیاں اچ پارک روڈ تے ڈاگ سینٹر اچ پنجھ سو توں ودھ کتے رکھݨ دی گنجائش ھِ سینٹر اچ کھیڈ ، آرام دی جاواں ، سرجیکل یونٹ ، ویکسی نیشن سینٹر تے لیبارٹری پاروں علیحدہ جا مختص کیتی گئی ھِ ۔

چیئرمین سی ڈی اے ریٹائرڈ کیپٹن محمد عثمان یونس جو کہ چیف کمشنر اسلام آباد وی ھن انہاں ہفتے دے ڈینھ سینٹر دا افتتاح کیتا۔

ھک دھائی پہل اسلام آباد اچ غیر ملکی سفارت کاراں دی بیویاں نے کتیاں کوں نا مارݨ بلک انہاں دی نس بندی کر تے نسل اگوں ودھاوں دی صلاحیت کوں ختم کرݨ دی مہم شروع کیتی ھائی۔ مہم دے دوران آوارہ کتیاں کوں کھاوݨ واسطے وی ڈیتا ویندا ھا انہاں دا خیال ھا کہ کتیاں دی نسل بندی کر ڈیتی ونجے تاں بالآخر مُک ویسن۔ اسلام آباد اچ ھک قائم جنگلی جانوراں کوں ریسکیو سروسز ڈیوݨ والی تنظیم ھیلپ ویلفیئر ارگنائزیشن ایچ ڈبلیو او دی شریک بانی فریال نواز نے دسمبر ٢٠١٨ اچ اسلام آباد ھائی کورٹ اچ ھک رٹ پٹیشن دائر کیتی ھائی جیندے اچ مطالبہ کیتا گئیا ھا کہ سی ڈی اے تے ایم سی آئی سے سینی ٹیشن ڈاعریکٹوریٹ دی طرفوں صحت مند اوارہ کتیاں کوں گولی مارݨ تے انہاں کوں زہر ڈیوݨ غیر انسانی تے آئین ، قوانین تے اسلامی اصولاں دے منافی قرار ڈے تے ایکوں بند کیتا ونجنڑاں چاھیدا ھِ اے دعوی کیتا گئیا ھا کہ ہر سال سینی ٹیشن دے اھلکار اسام آباد دے رھائشی علاقیاں اچ سینکڑاں آوارہ کتیاں کوں مارں کیتے شاٹ گن یا زھر دا استعمال کریندے ھن تے اے دعوی کریندن کہ اے شہریاں کیتے پریشانی تے صحت پاروں خطرہ ھن ۔

اسلام آباد۔24ستمبر (اے پی پی):وزیراعظم محمد شہبازشریف اقوام متحدہ دی جنرل اسمبلی دے 77ویں اجلاس اچ شرکت دے حوالے نال آپݨے دورہ نیویارک اچ ݙراکلیاں موسمی تبدیلیاں دے نتیجے اچ سامݨے آوݨ آلی صورت حال تے عالمی اقدامات چاوݨ توں علاوہ پاکستان اچ 33 ملین متاثرین سیلاب دے مسئلیں کوں چاتے جنہاں کوں بنیادی ضرورتاں دی ٻہوں لوڑھ اے ۔ اقوام متحدہ دی جنرل اسمبلی دے اجلاس اچ سائڈ لائن تے شیڈول وݙا مصروف رہیا جتھاں انہاں مختلف مسئلٰن تے کلیدی خطاب کیتے جنہاں اچ عالمی برادری کوں پیش آندی معاشی سست روی، پوسٹ کووڈ اکانومی، قیمتاں اچ ودھارا ، افراط زر، قرضے تے کھاوݨ پیوݨ دیاں چیزاں سودھے تیل دی قلت دے مسئلے شامل ہن ، انہاں مسئلیں دی وجہ توں پاکستان وی متاثر تھئے۔ انہاں موسمیاتی تبدیلیاں دے تباہ کن اثرات، معاشی مشکلات اتے غریب ملکاں دے ساریں توں ودھ متاثرہ طبقات کوں محفوظ بݨاوݨ کیتے بین الاقوامی سطح تے اجتماعی کاوشاں دا مطالبہ کیتا ۔ یواین جی اے دے اجلاس تے سائڈ لائن مصروفیات دے تحت وزیراعظم ٻہوں سارے عالمی رہنماواں نال ملاقات کیتی تے پاکستان اچ کروڑاں متاثرین سیلاب کوں وختی بنیادی ضرورتاں ݙیوݨ کوں چاتے تے آکھیے جو ایں ویلھے وی ملک اچ ٻہوں زیادہ رقبے تے پاݨی اے جتھاں بنیادی انسانی ضرورتاں دی دستیابی دے مسئلے ہن ایں حوالے نال آپݨے ھک ٹویٹ اچ وزیراعظم آکھیے جو اقوام متحدہ دی جنرل اسمبلی دے اجلاس ویلھے مختلف عالمی رہنماواں نال ملاقاتاں اچ ، میں موسمیاتی تبدیلیاں دے اثرات مکاوݨ کیتے مشترکہ عالمی کاوشاں تے زور ݙتے۔ میں انہاں کوں ݙسائے جو پاکستان تجارت اتے معیشت دے شعبیں اچ عالمی برادری نال شراکتداری اچ گھاٹی دلچسپی رکھیندے ۔ اجلاس دے موقع تے وزیراعظم شہباز شریف عالمی رہنماواں دے نال تھیوݨ آلیاں ملاقاتاں اچ سانجھے تعلقات  ودھاوݨ دی لوڑھ تے زور ݙتا انہاں کوں پاکستان اچ سیلاب دے بعد دی صورتحال دا وی ݙسایا ۔ وزیراعظم امریکی صدر جو بائیڈن نال وی ملاقات کیتی تے انہاں دی طرفوں پاکستان اچ سیلاب توں متاثرہ عوام نال ہمدردی اتے اظہار یکجہتی تے انہاں دا شکریہ ادا کیتا۔ ایں موقع تے امریکی صدر سینکڑاں اموات تے متاثرہ خانداناں نال ہمدردی دااظہار کیتا۔ وزیراعظم پاکستان دے متاثرین سیلاب دی مدد کیتے عالمی برادری کوں ݙتے ڳئے امریکی صدر دے پیغام تے انہاں دا شکریہ ادا کیتا۔ ایویں وزیراعظم بیلجیئم دے وزیراعظم، اپݨے جاپانی ہم منصب اتے ملایشیاء دے وزیراعظم نال ملاقاتاں کیتیاں ، وزیراعظم شہباز شریف اتے فرانسیسی صدر ایمانویل میکرون وچال ملاقات تھئی ، ایں موقع تے سانجھے تعلقات ودھاوݨ تے ڳالھ مہاڑ کیتی ڳئی۔ ݙوہیں رہنماوں اڄوکے سیلاب دے بعد پاکستان دی پائیدار معاشی بحالی کیتے عالمی برادری دے تعاون تے وی اتفاق کیتا ، ایویں وزیراعظم ایران دے صدر ابراہیم رئیسی نال ملاقات اچ مختلف شعبیں اچ پاک ایران تعلقات ودھاوݨ دی لوڑھ تے زور ݙتا ۔ وزیراعظم سپین دے صدر نال آپݨی ملاقات اچ ݙو پاسے تعلقات ودھاوݨ دے نال نال بین الپارلیمانی، سیکورٹی تے دفاع دے شعبیں اچ تعاون دی لوڑھ تے زور ݙتا ۔ وزیراعظم آسٹریا دے چانسلر کارل نیہامر نال وی ملاقات کیتی ۔  ملنڈا اینڈ بل گیٹس فائونڈیشن دے شریک بانی وی وزیراعظم نال ملاقات کیتی ، ایں توں انڄ وزیراعظم شہباز شریف اقوام متحدہ دے سیکرٹری جنرل انتونیو گوتریس نال اقوام متحدہ دے ہیڈ کوارٹر اچ ملاقات کیتی۔ اقوام متحدہ دی جنرل اسمبلی دے صدر نال ملاقات اچ وزیراعظم اقوام متحدہ دی سلامتی کونسل اچ جامع اصلاحات دی ضرورت تے زور ݙتا انہاں آکھیے جو حکومتاں وچال شفاف، مشاورتی اتے مثبت مذاکرات بنیادی اہمیت دے حامل ہن جیں تے سارے رکن ملکاں کوں آپمی صورتحال اتے توقعات کوں واضح کرݨا چاہیدے۔ سائڈ لائن ملاقاتاں اچ انہاں عالمی بنک گروپ دے صدر ڈیوڈ آر ملپس اتے آئی ایم ایف دی منیجنگ ڈائریکٹر کرسٹا لینا جارجیوا نال وی انڄ انڄ ملاقاتاں کیتیاں ، انہاں پاکستان اچ انفراسٹرکچر، زراعت، دیہی اتے شہری ترقی، سماجی خدمات دے نال نال معاشی ترقی دے حوالے نال عالمی بنک دے جاری منصوبیں تے ڳالھ مہاڑ کیتی ۔ اقوام متحدہ دی جنرل اسمبلی دے اجلاس اچ آپݨی جامع تقریر اچ وزیراعظم عالمی برادری کوں موسمیاتی تبدیلیاں تے گلوبل وارمنگ دی حساسیت کوں سمجھݨ تے ایندے حل کیتے جامع اقدامات دی تجویز پیش کیتی۔ انہاں ایں عزم دا اعادہ کیتا جو کاربن دے اخراج اچ ھک فیصد توں وی گھٹ حصہ ہووݨ دے باوجود پاکستانی معیشت اتے عوام ݙوڑی قیمت ݙیندی پئی اے جیڑھاجو موسمیاتی ناانصافی اے۔ انہاں آکھیے جو پاکستان کوں آوݨ آلے ݙکھ بیان کرݨ کیتے کوئی الفاظ کائنی ۔ ساݙی اوکھ اندازیں توں کتھائیں ودھ اے ۔ وزیراعظم اقوام متحدہ دی سلامتی کونسل دیاں قرارداداں دے مطابق غیرقانونی بھارتی مقبوضہ و جموں کشمیر دے جھیڑے دے پرامن حل تے وی زور ݙتا ۔ آپݨے دورہ نیو یارک اچ وزیراعظم محمد شہباز شریف پاکستان اچ سیلاب دیاں تباہ کاریاں دے حوالے منعقدہ نمائش دا دورہ وی کیتا جیڑھا جو اقوام متحدہ دی عمارت دی لابی اچ لاتیاں ڳیاں ہن ۔ وزیراعظم یو این جی اے دے اجلاس دے سائڈ لائن تے ٻہوں سارے عالمی رہنماواں تے ٻئے ملکاں دے اعلیٰ حکام نال ڳالھ مہاڑ کیتی۔

ماحولیاتی تباہی اچ اساݙا کوئی کردار کائنی، امیر ملک قرضے واپسی اچ ریلیف ݙیوݨ تے غور کرن، وزیر اعظم  شہباز شریف دا ٹویٹ

اسلام آباد۔23ستمبر  (اے پی پی) وزیر اعظم محمد شہباز شریف آکھیا جو ماحولیاتی تباہی اچ اساݙا کوئی کردار کائنی، امیر ملک قرضے واپسی اچ ریلیف ݙیوݨ تے غور کرن تانجو اساں آپݨے پیراں تے کھڑے تھی سڳوں۔ جمعے کوں آپݨے ٹویٹ اچ وزیراعظم آکھیا جو میں ’’بلومبرگ‘‘ نال آپݨے انٹرویو اچ جیڑھی بنیادی دلیل ݙتی اے جو موسمیاتی تبدیلیاں دا باعث ٻݨݨ آلے عوامل اچ اساݙا حصہ نہ ہووݨ دے برابر اے اتے پاکستان ساریاں توں ودھ متاثر ملکاں اچوں شامل اے۔ امیر ملک قرضے واپسی اچ ریلیف ݙیوݨ تے غور کرن۔

اداریاں دیخلاف اکساوݨ دے مقدمے اچ گرفتار پاکستان تحریک انصاف پی ٹی آئی دے رہنما شہباز گل دے جسمانی ریمانڈر اچچ توسیع دی استدعا مسترد کریندے ہووے انہاں کوں جوڈیشل ریمانڈر تے بھیج ڈیتا گئیا۔

واضح رھاوے کہ ٩ اگست کوں پی ٹی آئی رہنما کوں اسلام آباد پولیس نے بغاوت تے عوام کوں ریاستی اداریاں دیخلاف اکساوݨ دے الزام اچ گرفتار کیا ھا ۔

شہباز گل کوں ٢ روزہ جسمانی ریمانڈ مکمل تھیوݨ تے اسلام آباد کچہری اچ جوڈیشل مجسٹریٹ عمر شبیر دی عدالت اچ پیس کیتا گئیا۔

امید ھِ پاکستان تے برطانیہ دے درمیان تعلقات تاریخی بلندیاں تے پھجسن، آرمی چیف

آرمی چیف جنرل قمر جاوید باجوہ دا پاکستان تے برطانیہ دے درمیان گہرے تعلقات دا اعادہ کریندے ہووے ایں امید دا اظہار کیتا ھِ کہ ڈونہاں ملکاں دے درمیان تعلقات مستقبل اچ تاریخی بلندیاں تے پھجسن۔

آرمی چیف جنرل قمر جاوید باجوہ دا اج برطانیہ دی سینڈ ہرسٹ رائل ملٹری اکیڈمی اچ تھیوݨ والے ٢١٣ ریگولر کمیشننگ کورسس دی پاسنگ آؤٹ پریڈ تھیوݨ تے بطور مہمان خصوصی شرکت ڈیتی۔

آرمی چیف دا پاسنگ آوٹ پریڈ دا معائنہ کیتا ، بعد ازاں تقریب نال خطاب کریدنے ہووے جنرل قمر جاوید باجوہ دا آکھݨ ھا کہ ایں تقریب اچ شرکت میڈے کیتے وڈے اعزاز دی گالھ ھِ انہاں آکھیا کہ برطانوی کیڈٹس دے علاوہ ٤١ غیر ملکی کیڈٹس وی پاس آوٹ تھئے ھن ، پاس آؤٹ تھیوݨ والے تمام کیڈٹس کوں مبارکباد پیش کرینداں ھاں۔

پاکستان تحریک انصاف دے چیئرمین عمران خان دے بنی گالہ اچ گھر دے باھر پولیس دی موجدگی کو انہاں دی مبینہ گفتاری دے منصوبیاں نال جوڑن توں متعلق وائرل تھیوݨ والی ویڈیو تے اسلام آباد پولیس نے وضاحت جاری کر ڈیتی ۔

وفاقی دارالحکومت دی پولیس نے ٹویٹ اچ آکھیا کہ پی ٹی آئی چیئرمین عمران خان دے گھر دے ابھروں پولیس سیکیورٹی گزریل ڈینھ پنجاب دے اساتذہ دے احتجاج دے باعث تعینات کیتی گئی ھائی ۔ سول میڈای تے شیئر تھیوݨ والی فوٹیج اچ ڈکھایا گیا کہ بنی گالہ اچ پولیس موبائل تے اھلکار موجود ھن تے آوݨ تے ونجݨ والے رستیاں کوں بلاک کر ڈیتا گئیا ھا ۔

فوٹیج دا حوالہ ڈیندے ہووے اسلام آباد پوکیس نے ٹوئٹ اچ ڈسایا کہ پولیس سیکیورٹی گزریل ڈینھ پنجاب دے اساتذہ دیخلاف احتجاج دے پاروں تعینات کیتی گئی ھائی گزریل شام ھی تمام مظاہرین منتشر تھئی گئے ھن اج بنی گالہ ھاوس دے اطراف ایں طرح دی کوئی سرگرمی نی تھئی ۔ پولیس دا آکھݨ ھا کہ ویڈیو دے نال شہریاں اچ غلط معلومات گھنڈائی ویندی پئی ھِ شہریاں توں گزارش ھ کہ ایں طرح دی معلومات بغیر تصدیق دے کھینڈاوݨ توں گریز کرن پولیس نے صوبائی حکومتاں توں درخواست کیتی کہ ایں طرح دے معاملات صوبیاں دی حد تک حل کرن

مسلم لیگ(ق) دے رہنما چوہدری مونس الٰہی نے آکھیا کہ چوہدری شجاعت دا وزیر اعلیٰ کے الیکشن اچ پرویز الٰہی دی حمایت توں انکار کر ڈیتا ھا تے او چاھندے ھن کہ پرویز الٰہی وزیراعلیٰ بنڑن لیکن عمران خان دے نہ بنڑن

ہفتہ کو میڈیا سے گالھ مہاڑ کریندے ہووے چوہدری مونس الٰہی آکھیا کہ  گزشتہ روز چوہدری شجاعت توں خط دے حوالےنال گالھ ضرور ہوئی تھی، انہاں میں آکھیا کہ میں اے خط ضرور لکھا ھ تے ایندے اچ لکھا ھِ کہ  مسلم لیگ(ق) والے کہیں کوں ووٹ نہ ڈیوون۔

انہاں دا آکھݨ ھا کہ میڈا مطلب اے کہ او چاندن کہ پرویز الہٰی ھالی الیکشن نہ جیتے جئیں تے انہاں آکھیا کہ میڈا دل چاھندا ھِ کہ پرویز الہی وزیر اعلی ضرور بنڑن لیکن عمران خان دے ناں بنڑن۔

وفاقی حکومت آئی جی پنجاب پولیس کوں تبدیل کر تے آئی جی ریلوے پولیس لا ݙتے

عامر لیاقت دے فوت تھیوݨ تے خالی تھیوݨ آلی نشست تے ضمنی انتخاب 27 جولائی کوں تھیسی

پنجاب ضمنی انتخابات: 20 حلقیاں اچ سٹیے ڳئے ووٹاں دی شرح 49.69 فیصد رہی، پی ٹی آئی 46.08، مسلم لیگ(ن) 39.05 فیصد ووٹ ڳھدن

وزیراعظم دا ہکلہ ٹول پلازہ تے ٹریفک رش دا نوٹس، ٹول بوتھ ودھاوݨ دی ہدایت

عمران نیازی دی ہر تقریر انہاں دے کہیں عوامی عہدے کیتے نااہل ہووݨ دا ثبوت اے، وزیراعظم شہباز شریف دا ٹویٹ

‏اللہ دا شکر اے جو نہ الیکشن کمیشن دا عملہ اغواء تھیا، ووٹ دا کوئی تھیلہ چور نہ تھیا، اتے نہ ڈبے چاتے ڳئے، وزیر اطلاعات ٹویٹ

سابق وزیراعظم عمران خان ، آئی ایم ایف نال آپݨا کیتا معاہدہ ٻھنیا، اساں پاکستان اچ اصلاھات اتے کفایت شعاری کیتے پرعزم ہیسے، وفاقی وزیر خزانہ مفتاح اسماعیل

اسلام آباد  (اے پی پی) وفاقی وزیر خزانہ مفتاح اسماعیل آکھیا جو سابق وزیراعظم عمران خان ، آئی ایم ایف نال آپݨا کیتا معاہدہ ٻھنیا، اساں پاکستان اچ اصلاھات اتے کفایت شعاری کیتے پرعزم ہیسے۔ اوکھے ھالات اچ مالیاتی نظم و ضبط دی لوڑھ اے، اساݙا امیر طبقہ ٹیکس اچ آپݨا حصہ پاوے۔

اساکوں ٻیے اجناس پیدا کرݨ دی لوڑھ اے۔ پاکستان آپݨی ساری بین الاقوامی ذمہ واریاں پوری کریسی، پاکستان ڈیفالٹ کائنا کریسی۔ اتوار کوں جاری پریس ریلیز اتے آپݨے ٹویٹ سیریز اچ وزیر خزانہ آکھیا جو انجینئرنگ ڈویلپمنٹ بورڈ ایں مہینے دے چھیکڑ تئیں حکومت کوں سولر پینلز اتے الائیڈ ایکوپمنٹ مینوفیکچرنگ بارے آپݨی پالیسی دستاویز جمع کراوݨ کیتے تیار اے۔

اسٹبلشمنٹ تے فوج کوں بچاوݨ پاروں تعمیری تنقید ضروری ھِ ، عمران خان

پاکستان تحرک انصاف دے چیئرمین دا جمہوریت پاروں اظہار رائے دی آزادی لوڑ قرار ڈیندے ہووے آکھیا ھِ کہ اپنڑیں اسٹبلشمنٹ تے فوج کو بچاوݨ پاروں تعمیری تنقید دی لوڑ ھِ

اسلام آباد اچ سیمینار توں خطاب کریندے ہووے سابق وزیر اعظم عمران خان آکھیا کہ مغربی ممالک دی جمہوریت ڈو بنیاداں تے کھڑی ھِ پہلے نمبر تے قانون دی بالادستی ھِ انہاں آکھیا کہ جئیں ویلے برطانیہ تے ہٹلر حملہ آور تھیا ھا تاں چرچل دے کول لوگ گئے تے پوچھا کہ اساݙا ملک بچ ونجے تاں ایں بجائے اے آکھݨ دے کہ اساݙی فوج کتنی تگڑی ھِ جواب ڈیتا کہ اساڈی عدالتاں انصاف کریندی پیئاں ھن تے اساں کڈھین تباہ نی تھئٰ سکدے۔

انہاں دا آکھݨ ھا کہ ڈوجہا انہاں دی اخلاقات تے قیادت وڈے معیار دی ھِ جو میں ایں پاکستان دے اندر نی ڈیٹھی۔ عمران خان آکھیا کہ تریجھا اظہار رائے دی آزادی ھِ ، بائیڈ پارک اچ اتور کوں ونج تے کوئی وی جو مرضٰ بولݨ چاھندا ھِ آکھیا ھا لیکن عوامی سطح تے کہیں دی کردار کشی تے بہوں سخت قواونین ھن تے میں بوتھم تے ایلن لیمب دیخلاف عدالت اچ مقدمہ لڑا ھا ۔ انہاں آکھیا کہ ایں حوالے نال اتھاں سخت معیار ھن کہ تساں آپ کہیں دی توہین کریندے ھیووے تاں ھک انسان کوں اپنڑی عزت دے تحفظ پاروں جو حق گھِ او پاکستان اچ کڈھیں نی ڈیٹھا۔

اینکر عمران ریاض کوں باھرلے ملک ونجݨ توں روک ڈیتا گئیا

اینکر پرسن عمران ریاض کوں باھرلے ملک ونجݨ دی کوششاں دے دوران دبئی ونجݨ والی پرواز توں لھا گھیدا گئیا، اخباری رپورٹ دے مطابق امیگریشن ذرائع نے ڈسایا کہ انہاں دا ناں بلیک لسٹ اچ شامل ھِ کیونکہ او ملک اچ درج بغاوت دے مقدمات دا سامنڑاں کریندے پئے ھن

ھک ٹیوئٹ اچ عمران ریاض دا آکھݨ ھا کہ او کجھ طبی ٹیسٹ پاروں دوبئی ویندے پئے ھن۔

انہاں دا آکھݨ ھا کہ میڈے ڈاکٹراں میکوں ڈسائے کہ میکوں جیل اچ کجھ ایہو جیاء کھوایا گیا ھِ جو میڈی جان وی گھن سکدے ، جو ثابت کرݨ پاروں میں اپنڑیں ٹیسٹ کرواوݨ چاھندا ھاں۔

میرے ڈاکٹرز کے مطابق دوران گرفتاری مجھے کچھ ایسا کھانے کے لیے دیا گیا جو خطرناک ثابت ہو سکتا ہے۔ مجھے کچھ ٹیسٹ کروانے تھے۔ تاکہ ثابت کر سکوں کہ کیا کوشش کی گئی ہے۔ایئر پورٹ پر روک لیا گیا ہے۔ مکمل تفصیل کچھ دیر میں۔۔۔ https://t.co/Qmj9XkkJZI

— Imran Khan (@ImranRiazKhan) July 14, 2022

ایں حوالے نال پاکستان تحریک انصاف دے چیئرمین عمران خان نے ھک انٹرویو شیئر کریندے ہووے آکھیا کہ عمران ریاض کوں ایں پنجرے اچ قید کیتا گئیا ھِ جیندے اچ مہذب ممالک کہیں جانور کوں رکھݨ دی اجازت نا ڈیوون

عمران ریاض کو اس پنجرےمیں قیدکیاگیاجس میں مہذب ممالک کسی جانور تک کورکھنےکی اجازت نہ دیں۔اسے زہر دیےجانےکاشبہ بھی موجودہے۔اس میں ملوث تمام کردار شرم سےڈوب مریں۔🇵🇰میں لوگوں کی زبانوں پرخوف کے تالےپڑنےکی بجائےاس سب سےبدمعاشوں کےٹولے+ انکےسرپرستوں کیخلاف عوام کاغصہ ہی بڑھتاہے pic.twitter.com/7Z8A7PDEEF

— Imran Khan (@ImranKhanPTI) July 15, 2022

اسپیکر تے ڈپٹی اسپیکر قومی اسمبلی دی عید الاضحیٰ دے پُرمُسرت موقع تے قوم کوں مبارخ