اسلام آباد۔12دسمبر(اے پی پی) وزیراعظم شہباز شریف طارق فاطمی کوں معاون خصوصی کوآرڈنیشن نامزد کرݙتے، انہاں دا عہدہ وزیر مملکت دے برابر ہوسی۔ کابینہ ڈویژن توں جاری نوٹیفکیشن موجب وزیراعظم شہباز شریف دی منظوری دے بعد طارق فاطمی معاون خصوصی کوارڈینیشن نامزد کرݙتے ۔

سابق وزیر داخلہ تے عوامی مسلم لیگ دے سربراہ شیخ رشید نے دعوی کیتا ھِ کہ جو وی نواں آرمی چیف اسی او سیاسی گند اپنڑیں مونڈھیاں تے نا چئیسی تے ملک کوں الیکشن دے پاسے گھن تےویسی۔

ٹوئٹر تے جاری تھیوݨ والے اپنڑیں بیان اچ انہاں آکھیا کہ نواز شریف نگران سیٹ اپ دا دورانیہ ودھا تے من پسند تعیناتی چاھندا ھِ ، ھک ٹکٹ اچ ٢ مزے نی مل سکدے، پی ڈی ایم دا سیاسی جنازہ نکل چکا جیندی سیاسی چیخاں بلاول دی پریس کانفرنس اچ واضح ھِ ۔

شیخ رشی دا آکھݨ ھا کہ ملک دا وزیر خارجہ بلاول ملک دے صدر کوں دھمکیاں ڈیندا پیا ھِ عمران خان کوں کہیں دی تعیناتی تے اعتراض کینی ، جو وی نواں آرمی چیف آسی او سیاسی گند اپنڑیں مونڈھیاں تے نہ چئیسی تے ملک کوں الیکشن آلے پاس گھن تے ویسی ، آئندہ پنجھ ڈینھ سیاست پاروں فیصلہ کن ھن۔

نوازشریف کیرٹیکرکادوراینہ بڑھوانا چاہتاہےاورمن پسندکی تعیناتی بھی چاہتاہے ایک ٹکٹ میں2مزےنہیں مل سکتےPDMکاسیاسی جنازہ نکل چکاہےجس کی سیاسی چیخیں بلاول کی پریس کانفرس میں واضح ہیں کرونایاڈروناکافیصلہ بھی72 گھنٹوں میں ہوجائےگا26نومبرکوعمران خان کاراولپنڈی میں تاریخی ستقبال کریں گے

— Sheikh Rashid Ahmed (@ShkhRasheed) November 21, 2022

سابق وفاقی وزیر تے پی ٹی آئی دے سینئر رہنما فواد چوھدری نے آکھیا ھِ کہ تحریک انصاف دی اعلی قیادت دا اجلاس اج طلب کیتا گئیا ھِ جئیں اچ سیاسی صورتحال ،لانگ مارچ تے دیگر معاملات تے غور کیتا ویسی ۔

ٹوئٹر تے جاری تھیوݨ والے اپنڑیں بیان اچ انہاں آکھیا کہ عمران خان دی صدارت اچ تھیوݨ والی ایں ملاقات اچ سیاسی صورتحال ، لانگ مارچ ، ملک دے معاشی بحران تے ایں نال پیدا تھیوݨ والی صورتحال تے وی گالھ مہاڑ کیتی ویسی

تحریک انصاف کی لیڈرشپ میٹنگ آج طلب کی جا رہی ہے، عمران خان کی صدارت میں ہونے والی اس ملاقات میں سیاسی صورتحال، #حقیقی_آزادی_مارچ کے راولپنڈی مرحلے اور دیگر معاملات پر گفتگو ہو گی، ملک کا معاشی بحران اور اس سے پیدا ہونے والی صورتحال بھی زیر گفتگو ہو گی۔

— Ch Fawad Hussain (@fawadchaudhry) November 21, 2022

اسلام آباد (اے پی پی):گلگت بلتستان دے چیف سیکرٹری محی الدین احمد وانی آکھیا جو گلگت بلتستان دے184 سکولاں کوں شمسی توانائی تے کیتا ویندا پے۔ اے پی پی نال ڳالھ مہاڑ کریندیں ہوئیں چیف سیکرٹری آکھیا جو گلگت بلتستان اچ تعلیمی اداریاں دی ڈیجیٹائزیشن کیتے کم تھیندا پے جئیں دامقصد تعلیمی اداریاں اچ پاݨی اتے بجلی دی بلاتعطل فراہمی یقینی ٻݨاوݨ اے۔ انہاں آکھیا جو شمسی توانائی تے تھیوݨ آلے تعلیمی اداریاں کوں نہ صرف سولر بیک اپ ݙتا ویسی جڈانجو لوڈشیڈنگ دے مسئلے تے قابو پاوݨ کیتے ودھیکی بیٹریاں دے تحت بیک اپ وی ملسی۔ انہاں آکھیا جو ایں کوشش نال پہاڑی علاقیاں دی عوام دی معیار زندگی اچ نشابر تبدیلی امسی اتے نینگراں کوں جدید ٹیکنالوجی توں فائدہ چاوݨ دی سہولت ملسی جیڑھا گلگت دے بعد سکردو اچ سافٹ ویئر ٹیکنالوجی پارک ٻݨاوݨ دا راہ سوکھا کریسی۔

اسلام آباد (اے پی پی) پاکستان اچ برطانیہ دے ہائی کمشنر کرسٹن ٹرنر کوپ 27 اچ فنڈ دے قیام بارے وفاقی وزیر برائے ماحولیاتی تبدیلی شیری رحمان دی کوششاں دی تعریف کیتی اے۔ آپݨے ٹویٹ اچ انہاں آکھیا جو کاپ 27 اچ نقصانات دے ازالے کیتے فنڈ دے قیام تے شیری رحمان اتے انہاں دی ٹیم خراج تحسین دی مستحق اے۔ اساکوں ہݨشرم الشیخ اتے گلاسگو معاہدیاں کوں عملی شکل ݙیوݨی پوسی۔

اسلام آباد (اے پی پی) وزیر خارجہ بلاول بھٹو زرداری دی صدارت اچ جی 77اتے چین دے پلیٹ فارم توں شرم الشیخ اچ کاپ۔27 دے موقع تے پاکستان دی لابنگ اتے مسلسل محنت نال کیتے ڳے مذاکرات پاروں ” ڈیمیج اینڈ لاس فنڈ دے قیام ” دی منظوری ݙے ݙتی ڳی اے۔ دفتر خارجہ دے ترجمان آݙت وار کوں آپݨے ٹویٹ اچ آکھیا جو وزیرخارجہ بلاول بھٹو زرداری ماحولیاتی تبدیلیاں دے خطرات توں ݙو چر ترقی پذیر ملکاں دے نقصان اتے انہاں دے اسباب دے خاتمے دی حمایت کیتی۔ بلاول بھٹو زرداری دی صدارت اچ’’ ڈیمیج اینڈ لاس فنڈ ‘‘ دے قیام دی منظوری وݙی کامیابی اے۔

اسلام آباد(اے پی پی) وزیراعظم محمد شہباز شریف آکھیا جو پاکستان جی۔77 اتے چین دے پلیٹ فارم توں ”لاس اینڈ ڈیمیج” دے مطالبہ دی منظوری کیتے کامیاب قیادت کیتی اے۔ آݙت وار کوں آپݨے ٹویٹ اچ انہاں آکھیا جو مطالبے دی منظوری بہترین سفارتکاری دا مظہر اے۔ جئیں پاروں ایں کوں ممکن ٻݨایا ڳے۔ انہاں ایں بارے کم کرݨ تے وزیر خارجہ بلاول بھٹو زرداری اتے ٻی ٹیماں دی کوششاں دی تعریف کیتی۔

اسلام آباد (اے پی پی) بین الاقوامی دفاعی نمائش ’’آئیڈیاز 2022 ‘‘اچ پاک فضائیہ دے نیشنل ایرو اسپیس سائنس اینڈ ٹیکنالوجی پارک اسٹال کوں فاتح قرار ݙتا ڳے۔ پاک فضائیہ دے شعبہ تعلقات عامہ ولوں جاری اعلامیہ موجب بین الاقوامی دفاعی نمائش اتے سیمینارز، آئیڈیاز 2022 دا یارہواں ایڈیشن کراچی ایکسپو سینٹر اچ مُک ڳے۔ نیشنل ایرو اسپیس سائنس اینڈ ٹیکنالوجی پارک دے ناں تے پی اے ایف دےسٹال بہترین سٹال دا اعزاز ڳھدے۔ آئیڈیاز 2022 دے چار ݙینھ دے شو اچ پی اے ایف دا سٹال نمائش اچ شریک ملکی تے غیر ملکی وفود توں داد گھندا رہیے۔

اسلام آباد (اے پی پی) کراچی آرٹس کونسل پاکستان اچ “جیویں ترٹا ہڈ ڈکھے ” دی گھنڈ کھلائی اچ سرائیکی وسیب دے سنجاک ماݨ لالا اقبال بلوچ شرکت کیتی۔ لالا اقبال بلوچ اے پی پی سرائیکی نیوز سروس نال گالھ کریندے آکھے جو اے کتاب ” جیویں ترٹیا ہڈ ڈکھے ” دراصل سندھی زبان دے سوھݨے شاعر سندھ ماں دھرتی دے عاشق صادق سئیں خلیل کمبھار دی سندھی شاعری اچ کیتی گئی ولا اوندا ترجمہ داسرائیکی زبان دے عظیم شاعر فلسفی ناول نگار پروفیسر رفعت عباس سندھی توں سرائیکی زبان اچ کیتے ایندی گھنڈ کھلائی دی تقریب اچ دودو چانڈیو کراچی آرٹس کونسل اچ کروائی ۔

سندھ دے وزیر تعیلم سردار شاہ توں علاوہ سرائیکی قلم قبیلے توں تعلق رکھݨ آلے بہوں وݙے مہاندرے دانشور ایندے اچ شریک تھئے ۔سرائیکی وسیب ولوں اسٹیج تے اساڈی نمائندگی پروفیسر رفعت عباس کیتی ۔سندھی دوستاں ولوں شاعر خلیل کمبھار تے انھاندے نال ہک وڈے نجی ٹی وی چینل توں سینئر صحافی نزیر لغاری جنھاں ڈوہیں قوماں وچال ہمیشہ پل دا کردار ادا کیتا اے میں سمجھدا جو نزیر لغاری سندھی سرائیکی اتحاد دی بنیاد کوں مضبوط کرݨ آلے ان انھاندا آکھݨ ہا ھو بھرپور انداز اچ قلم قبیلہ وی ایں سفر اچ شامل تھی گیا اے ہݨ اے دوستی تریخی دستاویزات دی شکل اختیار کریندی نظر آندی اے ۔

ایں موقع تے جامی چانڈیو وی موجود ہن ۔شاعری تے کمال گالھ مہاڑ کیتی ۔ ڈاکٹر اسحاق سمیجو شاعر ادب سے عشق دی حد تئیں محبت کریندے ان ۔انھاندے نال علی عاجز نویں رنگ روپ دی شاعری تے بہترین مضامین پڑھا اتے آکھیا جو اج دی سندھی سرائیکی شاعری آپدی دھرتی نال جڑی ہوئی اے ۔سرائیکی عوامی تریمت تحریک دی اگوانڑ ادی عابدہ بتول شاعری تے کمال گالھ مہاڑ کیتی انھاں آکھیا جو خلیل کمبھار دی شاعری تے خلیل کمبھار دے انگ انگ توں شاعری ٹپکدی اے ۔سندھ حکومت ولوں ثقافت کلچر دے وزیر ثقافت سردار علی شاہ شرکت کیتی۔ وزیر ثقافت شاعری دے نال نال سندھ وادی دے پس منظر توں وی خوب واقف ان پاکستان توں پہلے سندھ وادی اچ آباد قومیتاں دی لسانی جغرافیائی تہذیبی ثقافتی شناخت تے بھرپور تے جاندار گالھ مہاڑ کیتی سرائیکی زبان دے بہترین شاعر ڈاکٹر اشولال فقیر تے خواجہ فرید دی شاعری کوں وی آپدے خطاب اچ شامل کیتا ۔سب توں ودھ گالھ رفعت عباس کیتی انھاں ڈسایا جو میں حیاتی اچ پہلی واری کراچی ڈٹھم ۔ساری حیاتی سمندر کوں ڈیکھنڑ دی سک اچ ہم ۔ تے میکوں ایں محفل دی بہوں خوشی تھئی اے میں خلیل کمبھار دی شاعری دا ہک ہک لفظ پچھوں سندھ دا پندھ کیتا اے. گھنڈ کھلائی دی تقریب اچ ڈاکٹر ممتاز کلیانی، مشتاق احمد فریدی تے لا لا اقبال بلوچ دی دھی بختاور اقبال وی شرکت کیتی ۔

اسلام آباد۔19نومبر (اے پی پی) وزیر اعظم محمد شہباز شریف آکھیا جو مفتی رفیع عثمانی آپݨے علم دی روشنی نال ہک عالم کوں منور کیتے، انہاں دا شمار عالم اسلام دےجید علماء اتے محققین اچوں تھیندے۔ چھݨ چھݨ کوں آپݨے ٹویٹ اچ وزیراعظم آکھیاجو انہاں دی وفات پاکستان اتے عالم اسلام کیتے ہک ٻہوں وݙا سانحہ اے۔ اللہ تعالیٰ انہاں کوں آپݨےجوار رحمت اچ ڄاہ ݙیوے۔ آمین

اسلام آباد (اے پی پی) وفاقی وزیر اطلاعات مریم اورنگزیب آکھیا جو عمران خان تساݙی سیاست ، سازش اتے تماشہ مُک ڳے، کوڑی آزادی دے کوڑ بے گناہواں دی جان ڳھدی اے، ٻالاں کوں یتیم کیتے، صحافی شہید تھین۔عمران صاحب 26 نومبر کوں پنڈی اتے اسلام آباد نی بلکہ یو اے ای اتے لندن دی عدالت دی ٹکٹ کٹاون۔

چھݨ چھݨ کوں عمران خان دے بیان دے ولدے تے انہاں آکھیا جو عمران خان تساݙی سیاست ، سازش اتے تماشہ مُک ڳے، کوڑی آزادی دے کوڑ بے گناہواں دی جان ڳھدی اے، ٻالاں کوں یتیم کیتے، صحافی شہید تھین۔عمران خان دا کوڑا آزادی مارچ 2014 دےدھرنے وانڳ فلاپ سین دی تاریخ اے۔ عمران خان it is over for you ، 26 نومبر دی تاریخ تماشہ مُکݨ دی تاریخ اے۔

ریاستی اداریاں دیخلاف سوشل میڈیا پوسٹاں تے کارروائی پاروں ایف آئی اے کوں مزید اختیارات ڈے ڈیتے

حکومت نے وفاقی تحقیقاتی ادارے ایف ائی اے دے ایکٹ اچ ترمیم منطور کر گھدی جیندے تحت پاکستان پینل کوڈ دی دفعہ دے تحت اختیارات ڈیتے گئے ھن کہ او سوشل میڈیا تے ریاستی اداریاں دیخلاف افواھواں تے غلط معلومات کھنڈاوݨ والے کہیں وی بندے دیخلاف کارروائی کر سکدے ھن۔ وزارت داخلہ دی طرفوں ١٩٧٤ کے ایف آئی اے ایکٹ دے شیڈول اچ ترمیم دی سمری وفاقی کابینہ نے جمعرات کوں منظور کر گھیدی ھائی۔ اخباری رپورٹ دے مطابق ایف ائی اے نے آکھیا کہ سوشل میڈیا تے ریاستی اداریان تے آرگنائزیشناں دیخلاف جھوٹی معلومات تے افواھواں دی بھرمار ھِ ، جیندا مقصد نقصان پھجاوݨ تے اکساوݨ ھِ ، یا ممکنہ طور تے فوج ، اپک فضائیہ ، بحریہ دے کہیں افسر ، سپاہی ، سیلریا ایئرمین کوں جرائم یا بغاوت تے اکساوݨ ھِ یا ول انہاں کوں ڈیوٹی انجام ڈیوݨ توں روکݨ دی کوشش کرݨ تھئی سکدا ھِ

وفاقی قانون نافذ کرݨ آلے اداریاں کوں آئینی اتے قانونی حق اے جو مسلح تھی تے ریاست تے حملہ آور تھیوݨ آلیاں کوں گرفتار کرن، عمران خان نال مذاکرات کائنی تھیندے پے، گمراہی مارچ ناکام تھی ڳے، وزیر داخلہ رانا ثنا اللہ خان

 حضرت خواجہ غلام فرید رحمتہ اللہ علیہ دا عرس مبارک  اڄ توں شروع تھی گئے ۔ حضرت خواجہ غلام فرید کوریجہ 26 نومبر 1845ء منگل دے ݙینھ بہاولپور دے قصبہ چاچڑاں شریف اچ ڄمیے۔ آپ دے ٹبر دا نسلی سلسلہ یا شجرہ نسب حضرت عمر فاروق رضی اللہ تعالٰی عنہ نال ملدے۔ آپ دے خاندان اچ ہک بندہ جئیں دا ناں شیخ کوربن، حضرت شیخ پریا ہئی ایں کیتے کور پاروں لفظ کوریجہ ٻݨ ڳیا۔ آپ دے والد دا ناں حضرت خواجہ خدا بخش عرف محبوب الہی ہئی۔ آپ دی اماں آپ جئیں ویلھے چار سالیں دےتھیے انہاں دا انتقال تھی ڳیا اتے آپ دی عمر اٹھ سال تھئی تاں آپ دے والد وی ایں دنیا توں وچھڑ ڳے۔ آپٌ قرآن دی تعلیم میاں صدرالدین اتے میاں محمد بخش توں حاصل کیتا۔ خواجہ غلام فرید فارسی دی تعلیم میاں حافظ خواجہ جی اتے میاں احمد یار خواجہ توں حاصل کیتی۔

حضرت خواجہ غلام فرید دے بزرگاں دے ہک مرید مٹھن خان جتوئی ہن، جئں دے ناں قصبہ مٹھن کوٹ آباد تھیا۔ جݙاں مٹھن کوٹ تے قابض پنجاب دے نال سکھ حاکم مسلماناں کوں تنگ کرݨ آلیے تاں آپ دے والد حضرت خواجہ خدا بخش آپݨے ٹٻر نال مٹھن کوٹ توں چاچڑاں شریف ریاست بہاول پور ونڄ رہیے۔

جݙاں خواجہ فرید نواب آف بہاول پور جئیں دا ناں نواب فتح محمد جیڑھے جو آپ دے والد دے مرید خاص ہن ݙے رہندے ہن تاں اتھاں وی اساتذاہ کرام موجود رہندے ہن جیڑھے خواجہ فرید کوں تعلیم ݙیندے ہن۔ خواجہ فرید شاہی محل اچ گھٹ ودھ  چار سال رہیے۔ جئیں ویلھے  13 سالیں دے تھیے تاں اپݨے وݙے بھرا حضرت فخر جہاں توں بیعت کیتی جیڑھلے عمر 27 سال تھئی تاں اوں ویلھے آپ دے مرشد اتے وݙے بھرا حضرت فخر جہاں دا انتقال تھی ڳیا اتے ولا سجادہ نشین ٻݨیے۔ خواجہ فرید وݙے سخی ہن لنگر دا ہر ݙینھ دا خرچہ 12 مݨ چاول اتے 8 مݨ کنڑک ہئی تے گھٹ ودھ سو توں پنڄ سو بندہ ہر ویلھے   نال رہندا ہئی ۔ جیڑھا کجھ ہوندا  شام تئیں غریباں تے مسکیناں اچ ونݙ ݙیندے ہن

خواجہ فرید جݙاں نواب آف بہاول پور دی دعوت تے ویندے ہن تاں نواب انھاں کوں آندیں ویلھے پنجوی تریہہ ہزار اتے اتھوں ویندیں ہوئیں وی تریہہ چالہی ہزار پیش کریندے اتی نذر نیاز ہوندیں ہوئیں وی جݙاں خواجہ فرید چاچڑاں شریف آندے تاں ڈھیر خرچہ کریندے ۔

خواجہ فرید دی جاگیر توں سالانہ آمدݨ 35 ہزار روپے ہئی او ٻہوں سادہ ہن  ݙینھ اچ کنڑک دی ہک روٹی کھمدے تے رات کوں گئوں دا کھیر پیندے ۔خواجہ فرید 18 سال روہی چولستان اچ رہیے۔ خواجہ فرید آپدے مرید خاص نواب آف بہاولپور جئیں دا ناں نواب صادق محمد رابع عباسی ہئی کوں نصیحت کیتی ہئی جو۔ ” زیر تھی، زبر نہ بن، متاں پیش آوی ” یعنی نرمی کرو، سختی نہ کر ، متاں پیش پووی( اللہ سئیں تساں تے وی سختی کر سڳدن) ۔

خواجہ فرید ست سرائیکی اچ  شاعری کیتی اتے تے سرائیکی زبان دے مجموعے دا  ناں”  دیوان فرید” اے۔ ایندے علاوہ اردو، عربی، فارسی، پوربی، سندھی اتے ہندی اچ وی شاعری کیتی اے، خواجہ فرید  دا اردو دیوان وی موجود اے۔ خواجہ فرید  دے سرائیکی دیوان 271 کافیاں ہن۔

حضرت خواجہ غلام فرید وصال ویلھے ترائے حسرتاں دا اظہار کیتا ہئی۔ (1)                        کاش کوئی میکوں آکھدا جو فرید میکوں رستہ ݙس۔(2)    کاش کوئی میں کنوں یکمشت ہک لکھ روپے منڳدا۔(3)          کاش کوئی میکوں آکھدا فرید میکوں پاݨی پلا۔

وفات ویلھے کلمہ شہادت توں پہلے  حضرت خواجہ غلام فرید کافی دا اے بند پڑھیا۔

ٔآیا   وقت  فرید  چلن دا

گزریا ویلھا کھلن ہسن دا

اوکھا  پیندا  یار  ملن  دا

جان  لباں   تے  آندی  اے

خواجہ فرید  دا وصال چاچڑاں شریف اچ 24 جولائی 1901ء بدھ دے ݙینھ تھیا۔ اوں ویلھے انھاندی عمر 56 سال ہئی۔ انھا ندا دا ہک پتر حضرت خواجہ محمد بخش عرف نازک کریم اتے ہک دھی ہئی۔ خواجہ فرید دا مزار کوٹ مٹھن شریف ضلع راجن پور اچ اے

(APP)

وفاقی وزیر برائے توانائی انجینئر خرم دستگیر لالیاں اچ 220/132 کے وی گرڈ سٹیشن  دا افتتاح کر ݙتے۔ ایں نویں منصوبے نال سرگودہا اتے فیصل آباد ڈویژن دے صارفین کوں پورے وولٹیج ملسن اتے روزگار دے نویں موقع ملسن۔ سنوار کوں افتتاحی تقریب توں خطاب کریندیں ہوئیں وفاقی وزیر آکھیا جو فسادیاں چار سال سی پیک روکیا، ہݨ شہباز شریف نویں جذبے نال اڳوں ڳھن تے ٹرسن۔ انہاں آکھیا جو نواز شریف سی پیک دا منڈھ بدھیا۔ نواز شریف اتے شہباز شریف دا مشن اے جو ایں مٹی کوں سنوارݨے۔ پاکستان کوں ولا ترقی دی موٹروے تے ٹورݨ دا چیلنج اے

وزیر مملکت برائے خارجہ امور حنا ربانی کھر نال یورپی پارلیمنٹ دے چار ارکان سنوار کوں ملاقات کیتی۔ دفتر خارجہ دے ترجمان ولوں جاری بیان موجب یورپی پارلیمنٹ دے ارے اراکین اڄ کل پاکستان دے دورے تے ہن۔ وزیر مملکت برائے خارجہ امور ملاقات اچ یورپی پارلیمنٹ نال پاکستان دے ودھدے ہوئے کثیر جہتی تعلقات تے اطمینان کیتا۔ ملاقات اچ چھل دی صورتحال، جی ایس پی پلس دے نال اہم علاقائی اتے عالمی مسئلیاں تے ڳالھ کیتی ڳئی

وزیر اعظم محمد شہباز شریف آکھیا جو ہک ایجھے ویلھے جئیں ویلھے دنیا کوں کئی چیلنجز دا سامݨا اے، پاکستان اتے چین دوست اتے شراکت دار دےط ور ہک ݙوجھے نال کھڑن۔ چین دے دورہ اچ چینی قیادت نال سی پیک کوں تقویت ݙیوݨ بارے ڳالھ تھیسی۔ منگل کوں آپݨے ٹویٹ اچ انہاں آکھیا جو اواڄ چین ویندے پئن۔ انہاں آکھیا جو میں کیتے اعزاز دی ڳالھ اے جو میں انہاں کجھ پہلے رہنماواں اچوں ہم جنہاں چین دی حکمران جماعت کمیونسٹ پارٹی آف چائنا دی 20ویں تاریخی نیشنل کانگریس دے بعد چین دے دورے دی دعوت ݙتی ڳئی اے۔ وزیراعظم آکھیا جو ہک ایجھے ویلھے جئیں ویلھے دنیا کوں کئی چیلنجز دا سامݨا اے، پاکستان اتے چین دوست اتے شراکت دار دےط ور ہک ݙوجھے نال کھڑن۔سی پیک دا ݙوجھا مرحلہ اساݙے لوکاں دی سماجی معاشی ترقی کیتے نویں دور داآغاز ہوسی۔ انہاں آکھیا جو چینی معاشی کامیابیاں توں ٻہوں کجھ سکھیا ونڄ سڳدے

 وزیراعظم شہباز شریف اڄ ݙو ݙینھ دے سرکاری دورے تے چین ویسن ۔وزیراعظم آفس دے میڈیا ونگ توں جاری بیان موجب 11 اپریل 2022 کوں وزارت عظمیٰ دا منصب سنبھالݨ دے بعد وزیراعظم شہباز شریف دا اے چین دا پہلا دورہ اے۔ وزیراعظم شہباز شریف چین دی ریاستی کونسل دے وزیراعظم لی دی چیانگ دی دعوت تے اے دورہ کریندے پن۔ کمیونسٹ پارٹی چین دی 20ویں نیشنل کانگریس دے تاریخی انعقاد اتے صدر شی جن پنگ دے تریجھی واری جنرل سیکرٹری منتخب تھیوݨ دے بعد وزیراعظم شہباز شریف چین دا دورہ کرݨ آلے پہلے رہنماواں اچوں ہن۔ ایں دورے اچ وزیراعظم شہباز شریف دے رلے اعلیٰ سطح دا وفد وی ہوسی۔ وزیراعظم شہباز شریف دا دورہ ݙوہیں ملکاں وچال قیادت دی سطح تے مسلسل رابطیاں دی کڑی اے۔ وزیراعظم ایں دورے اچ چین دے صدر شی جن پنگ نال ملاقات کریسن۔ ݙوہیں ملکاں دے وزرائے اعظم وچال وفود دے سطح تے مذاکرات تھیسن۔ ݙوہیں ملک دے قائدین سٹرٹیجک کوآپریشن پارٹنرشپ دا جائزہ ڳھنسن۔ ملاقاتاں اتے اجلاساں اچ علاقائی اتے عالمی سطح تے صورتحال تے وی ڳالھ تھیسی۔ دورے نال ݙوہیں ملکاں وچال ݙو پاسہ تعاون ایجنڈے تے پیش رفت تھی سڳدی اے۔ دورے اچ مفاہمت دی کئی یادداشتاں اتے معاہدیاں تے دستخط تھیوݨ دا وی امکان اے۔ ایں دورے نال چین پاکستان اقتصادی راہداری دی رفتار ٻئی ودھسی۔ سی پیک بارے مشترکہ تعاون کمیٹی (جے سی سی) دا یاھواں اجلاس 27 اکتوبر 2022 کوں تھیا ہئی

وزیر اعظم محمد شہباز شریف نال چیف آف نیول سٹاف ایڈمرل محمد امجد خان نیازی ملاقات کیتی۔ سنوار کوں وزیراعظم آفس دے میڈیا ونگ توں جاری بیان موجب ملاقات اچ پاکستان بحریہ دے پیشہ وارانہ معاملیاں تے ڳالھ کیتی ڳئی۔

 برصغیر دے سرائیکی زبان دے  صوفی شاعر حضرت خواجہ غلام فرید (جنھاں دا ناں خورشید عالم اے) دا سالانہ 125 واں عرس مبارک 5 ، 6 تے 7 ربیع الثانی ( منگل ، بدھ تے خمیس )کوں کوٹ مٹھن اچ تھیندا پئے۔ سرائیکی نیوز سروس اسلام آباد موجب خواجہ غلام فرید دا عیسوی کلینڈر مطابق آپ دے وصال کوں 121سال توں وخت ٹپ گئے ، اونویں تاں آپ دا عرس مبارک قمری کلینڈر مطابق منایا ویندے. خواجہ سئیں آپݨیں مادری زبان سرائیکی دے نال نال عربی، فارسی، اردو، ہندی، سندھی تے پوربی ءچ وی علم حاصل کیتا تے انھاں انگریزی وی سِکھی ہئی ایں واسطے خواجہ سئیں کوں ہفت زبان آکھیا ویندے. کل توں کوٹ مٹھن اچ عرس شروع تھیندا پئے جیندے اچ نہ صرف روہی تھل دمان دے وارث قلم قبیلے دے اڳواݨیں، مُہاندریں، نمائندیں تے سمورے بھیݨیں، بھرا شریک تھیسن جڈاں جو ملک بھر توں زائرین دی وڈی تعداد حاضری ڈیندی اے ۔۔بھانویں جو خواجہ غلام فرید کوں دنیا توں گئے ڈڈھ صدی دے نیڑھے ویلھا تھیندا پئے پر اج وی انھاندے کلام اچ اج دے عہد دا سبق موجود اے ۔انھاں آپدی حیاتی دے18 سال روہی اچ گزارے ۔۔۔ انھاندی شاعری عام انسان دی شاعری اے ۔انھاں فرمائے۔۔

سوہݨاں یار فرید ݙوں آوے

ڳل لاوے سیج سُہاوے

آ اُڄڑی جھوک وَساوے

ہے ٹھڈڑی آہ اثر کر

اج دے دور اچ نینگراں کوں چاہیدا اے جو او خواجہ غلام فرید دے کلام کو سمجھن تے اوندے تے عمل کرن

وزیر یاعظم شہباز شریف نے آکھیا ھِ کہ پاکستان پاک چین آزاد تجارتی معاھدے دے ڈوجہے مرحلے دا بہترین استعمال کریندے ہووے چین دے نال سرمایہ کاری تے تجارتی تعلقات کوں وسعت ڈیوݨ چاھندے۔

چینی اخبار گلوبل ٹائمز اچ شائع تھیوݨ والے ھک ارٹیکل اچ وزیر اعظم نے آکھیا کہ پاکستان چین پاروں مینو فیکچرنگ وی صنعت تے سپلائی چین نیٹ ورک اچ توسیع دے سلسلے اچ معاون ثابت تھئی سکدا ھِ

#Opinion: The seed of Pakistan-China friendship has blossomed into an evergreen tree with deep roots and strong branches. It has withstood the vicissitudes of international upheavals and vagaries of domestic changes: Pakistani Prime Minister @CMShehbaz https://t.co/MRVVYmTPxu

— Global Times (@globaltimesnews) October 30, 2022

اسلام آباد، بے نظیر انکم سپورٹ پروگرام اچ پاکستان دے سیلاب متاثرہ علاقیاں اچ وزیر اعظم کیش ریلیف دے تحت 27 لکھ ٹٻراں کوں 70 ارب روپے ونݙیڄ ڳین۔ پروگرام دے تحت ہݨ تئیں سیلاب متاثرہ 26 لکھ 69 ہزار 786 ٹٻراں کوں کل 66 ارب 74 کروڑ 46 لکھ 650 روپے ونݙین جیڑھے 97 فیصد ٻݨدن۔ بی آئی ایس پی بلوچستان، سندھ، خیبرپختونخوا، پنجاب اتے گلگت بلتستان دے سیلاب متاثرہ ٹٻراں کوں 25 ہزار روپے فی خاندان ݙیندا پئے۔ بی ایس پی دے تحت پنجاب دے 3 لکھ 26 ہزار 562 ٹٻراں کوں 8 ارب 16 کروڑ 40 لکھ 50 ہزار روپے ونݙین

اسلام آباد ، پاکستان تحریک انصاف دے لانگ مارچ اچ شریک سابق وزیر اعلیٰ پنجاب سردار عثمان خان بزدار آکھیے جو لانگ مارچ دا ہکو مطالبہ فوری اتے شفاف انتخابات ہین، اتنے وݙے عوام دے سمندر دی راہ ݙکݨ حکومت دے وس دی ڳالھ نہیں۔ میݙیا نال الیندے انہاں آکھیا جو وݙے پرجوش عوام لانگ مارچ اچ شریک ہین،

ہک عوام دا سمندر اے جیڑھا اسلام آباد دو ودھدا پئے۔ انہاں آکھیے جو اساں پر امن لوک ہیں، احتجاج سافا آئینی و قانونی حق اے ڄیڑھا استعما لرݨ توں کوئی نئیں روک سڳدا، رانا ثنااللہ دا وس نئیں جو عوام دے طاقت دے اڳو کھڑن، مارچ اچ کہیں وی ہنگامہ ارائی دا امکان نئیں، انشا اللہ ہک گملا تئیں نا ترٹس۔ انہاں واضح کیتے جو حکومت فوری اتے شفاف انتخابات دا اعلان کرے، اڳو کیا تھیندے ایندا فیصلہ اسلام آباد پڄ تے انتخابات دی تاریخ ڳھنݨ توں بعد کریسوں۔

اقوام متحدہ دی ڈیولپمنٹ ایجنسی دی طرفوں پاکستان دے قرضے معطل کرݨ تے زور ڈیوݨ دے بعد اپکستان باندز دی زیمت نسف تک ڈھے گئی ، جیندے نال مزید معاشی مشکلات دا خدشہ ظاہر کیتا ویندا پیا ھِ

غیر ملکی خبر رساں ایجنسی رائٹرز دے مطابق فنانشل ٹائمز دی رپورٹ اچ آکھیا گئیا ھِ کہ اقوام متحدہ دے ترقیاتی پروگرام دی طرفوں جاری پروگرام حکومت دے نال میمورینڈم شیئر کیتا ویسی ۔ ایندے اچ آکھیا گئیا ھِ کہ پاکستان دے قرض دھندگان کوں قرضیاں دی ادائیگی اچ ریلیف ڈیوݨ تے غور کرنا چاھیدا ھِ تاکہ پالیسی ساز قرض دی ادائیگی دی بجائے سیلاب دی تباہی نال نمٹݨ پاروں درکار امداد دی فنانسگ کوں ترجیح ڈے سکن۔ رپورٹ اچ ڈسایا گئیا کہ حالیہ سیلاب دے بعد ملک دے بیشتر حصے زیر آب ا گئے ھن جیتھاں تریھ کرور ٣٠ لکھ بندے متاچر تھئے ھن تے ٣٠ ارب ڈالر دا نقصان تھئیا ھِ جبکہ ایں تباہی اچ پندرہ سو توں ودھ بندے جاں بحق تھئی گئے ھن۔ ایں پاروں بیرون ملک قرض واپس کرݨ دے قابل کینی۔

تاہم ، وزرات خارجہ نے یادداشت توں متعلق رائٹرز دی طرفوں پچھے گئے سوال تے فوری طور تے کوعی جواب نی ڈیتا ۔ یاد رھاوے کی حکومت پاکستان تے اقوام متحدہ دے سیکیرٹری جنرل انتیو نیوگوتیرس نے موسمیاتی تبدیلیاں دی بنیادی وجہ درجہ حرارت کوں اکھے ایں پاروں سیلاب آیا تے ملک دا تقریبان ھک تہائی حصہ زیر آب آ گئیا ۔ ایں دے علاقہ وزیر خزانہ مفتاح اسمعیل نے ١٨ دستمبر کوں آکھیا ھا کہ سیلاب دی تباہ کاریاں دے باوجود ملک قرضیاں دے معاملے تے ہرگز دیوالیہ نہ تھیسی۔