چینی آٹا بحران، وزیر خوراک دے استعفی دے بعد عثمان بزدار نے ݙو مزید اعلی عہدیداراں کوں فارغ کر ݙیتا

0
210
چوھدری سمیع اللہ استعفی
لاہور ۔ وزیر اعلی پنجاب عثمان بزدار نے ٢٠١٩ ءچ سیکریٹری خوراک پنجاب رھاوݨ والے موجودہ کمشنر ڈی جی خان نسیم صادق کوں عہدے توں ہݙتا ݙیتا نجی ٹی وی چینل دے مطابق پنجاب دے وزیر خوراک سمیع اللہ چوھدری نے انکوائری ءچ ناں آوݨ تے عہدے توں استعفی ݙے ݙیتا آکھیا کہ الزامات دے ختم تھیوݨ تک او کہیں حکومتی عہدہ نا رکھیسن

تاہم انہاں دے بعد ھݨ کمشر ڈی جی خان نسیم صادق کوں او ایس ڈی بنڑاں ݙیتا گئیا ھِ ، او ٢٠١٩ ءچ سیکریٹری خوراک رھے ھن انہاں نے رضاکارانہ طور تے وزیر اعلی پنجاب کوں پیش کش کیتی ھائی کہ او انہاں دی انکوائری مکل تھیوݨ تک عہدے توں ہٹا ݙیوون، جئیں تے عثمان بزدار نے عملدرآمد کر ݙیتا ھِ انہاں دے علاوہ ٢٠١٩ ءچ ڈائریکٹر فوڈ پنجاب رھاوݨ والے ظفر اقبال کوں وہ عہدے توں ہٹیندے ہووے او ایس ڈی بنڑاں ݙیتا گئیا ھِ

یاد رھاوے کہ کجھ دیر پہل وزیر خوراک سمیع اللہ چوھدری نے وزیر اعلی عثمان بزدار نال ملاقات کر تے عہدے توں استعفی ݙے ݙیتا ھِ ۔ سمیع اللہ چوھدری نے وزیر اعلی عثمان بزدار نال ملاقات کیتی جو کہ پندرہ منٹ تک جاری رہی جیندے بعد انہاں عہدے توں استعفی ݙے ݙیتا ھِ انہاں اپنڑیں استعفے ءچ موقف اختیار کیتا ھِ کہ جئیں ویلے تک ایف ائی اے دی رپورٹ آئی ھِ ایندے میڈے اُتے بہوں الزامات لگدے پئے ھن ، جئیں ویلے تک الزامات کلیئر نی تھیندے میں اوں ویلے تک کوئی حکومتی عہدہ نا گھینساں ، میڈے اتے الزام ھِ کہ محکمے دے ریفارمز نی کر سکدا۔

ایتھاں اے امر قابل ذکر ھِ کہ وزیر اعظم عمران خان نے اپنڑاں وعدہ پورا کریندے ہووے چینی آٹا بحران تے موصول تھیوݨ والی تحقیقات رپورٹ عوام کیتے جاری کر ݙیتا ھِ

LEAVE A REPLY

Please enter your comment!
Please enter your name here