کراچی توں راوالپنڈی دا سفر 22 گھنٹے دی بجائے 10گھنٹے دا معاھدہ

بیجنگ(سرائیکی نیوز۔ بزنس ڈیسک) پاکستان تے چائنہ دے درمیان ھک معاھدہ طے پایا جیندے ءچ پاکستان ریلوے ٹریک ایم ایل ون پشاور توں کراچی تک اپ گریڈ کیتا ویسی ، تفصیل دے مطابق اے معاھدہ چائنہ تے پاکستان دے درمیان اپریل ءچ طے پایا ھا جیندے ءچ ریلوے منسٹر شیخ رشید احمد تے چائنیز ایمبسیڈر یو جنگ ءچ تھیاء جیندے ءچ ایم ایل ون پہلے مرحلے ءچ کم کیتا ویسی ، ایندے ءچ وزیر اعظم عمران خان تے چائنیز لی کینگ دی موجودگی ءچ اے معاھدہ طے کیتا گیا ۔ ایندے ءچ پاکستان ریلوے تے چائنہ نیشنل ریلوے انتظامیہ کم کنسٹریکشن دا کم شروع کریسی۔

کراچی ایم ایل ون پراجیکٹ آئندہ پنجھ سال ءچ مکمل تھیسی ، کل فاصلہ ١٨٧٢ کلو میٹر لمبا ٹریک ھِ جو کہ پشاور توں کراچی تک گڈیاں ، تے بریج تے کراسنگ دی تعمیر سمیت تھیسی ، ایندے نال ھک گھنٹے ءچ ١٢٠ توں ١٦٠ کلو میٹر فی گھنتی دی رفتار نال سفر ممکن تھئی سکسی جو کہ موجودہ ٦٠ کلو میٹر فی گھنٹہ ھِ ایں حساب دے نال راوالپنڈی دا سفر ٢٢ گھنٹے توں گھٹ تے ڈاھا گھنٹے تھئی ویسی۔ ایں پراجیکٹ تے لاگت ٨ اعشاریہ ٢ بلین ڈالر آسی تے اے تریھ حصیاں ءچ مکمل تھیسی ۔ ایم ایل ون پراجیکٹ نال ٢٠ ھزار مستقل ملازمتاں دے نال نال ١٥٠،٠٠٠ لیبر دی کھپت تھیسی۔

Similar Posts

Leave a Reply

Your email address will not be published. Required fields are marked *