راولپنڈی۔ 7 اپریل (اے پی پی) کور کمانڈرز کانفرنس مشرقِ وسطیٰ اچ جاری جنگ دے خاتمے کیتے حکومت دی بھرپور سفارتی کوشِشاں کوں سراہیا اتے تحمل، ڳالھ مہاڑ تے کشیدگی اچ ڳھٹکی دی لوڑھ تے زور ݙتا اتے اصولی سفارتکاری تے تعمیری رابطیاں کیتے پاکستان دے عزم دا اعادہ کیتے ۔
منگل کوں آئی ایس پی آر توں جاری تھئیے بیان دے مطابق چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر جنرل ہیڈ کوارٹرز اچ 274 ویں کور کمانڈرز کانفرنس دی صدارت کیتی اے۔
فورم مسلح افواج، قانون نافذ کرݨ آلے اداریاں تے انھاں معصوم شہریاں دے شہداء کیتے فاتحہ خوانی کیتی جنھاں مادرِ وطن دے دفاع اچ آپݨی جاناں دا نذرانہ پیش کیتے ۔ انھاں دی بے مثال قربانیاں کوں خراجِ عقیدت پیش کریندیں ہوئیں فورم ایں عزم دا اعادہ کیتا جو انھاں دی میراث پاکستان دی قومی سلامتی دی بنیاد اے۔ چیف آف آرمی سٹاف تے چیف آف ڈیفنس فورسز پاکستان دی مسلح افواج دی پیشہ ورانہ مہارت، عملی کارکردگی تے ملکی دفاع کیتے غیر متزلزل عزم، نال ای مسلسل انٹیلی جنس تے مبنی انسدادِ دہشت گردی کارروائیاں کوں سراہیا ۔ انھاں ایں امر تے زور ݙتا جو حکومت، مسلح افواج تے عوام دے باہمی اشتراک نال پاکستان سکیورٹی کامیابیاں کوں مستحکم، معاشی استحکام کوں مضبوط تے علاقائی و عالمی سطح تے آپݨی حیثیت کوں ٻیا بہتر ٻݨیندا پئے۔
فورم داخلی تے خارجی سکیورٹی صورتحال دا جامع جائزہ گھدا اتے ایں عزم دا اعادہ کیتا جو بھارت تے ٻئے بیرونی سرپرستاں دی ایماء تے سرگرم سارے دہشت گرد عناصر، انھاں دے سہولت کاراں تے معاونین کوں بلا امتیاز تے مسلسل کارروائی دے ذریعے ختم کیتا ویسی ۔
آپریشن “غضبُ اللِّحق” دی رفتار کوں برقرار رکھیا ویسی اتھاں تائیں جو دہشت گردوں دی محفوظ پناہ گاہاں دا مکمل خاتمہ تھیوے اتے افغان سرزمین دا پاکستان دے خلاف استعمال فیصلہ کن طور تے بند کر ݙتا ونڃے۔ فورم مشرقِ وسطیٰ اچ جاری جنگ دے خاتمے کیتے حکومت دی بھرپور سفارتی کوشِشاں کوں سراہیا اتے تحمل، ڳالھ مہاڑ تے کشیدگی اچ کمی دی ضرورت تے زور ݙتا اتے نال ای اصولی سفارتکاری تے تعمیری رابطیاں کیتے پاکستان دے عزم دا اعادہ کیتا ۔
فورم ہک ذمہ دار علاقائی فریق دے طور تے پاکستان دے کردار کوں وی اجاگر کیتا جیڑھا امن تے استحکام دے فروغ اچ فعال کردار ادا کریندا پئے۔فورم سعودی عرب دے پیٹروکیمیکل تے صنعتی کمپلیکس تے حالیہ حملیاں تے تشویش دا اظہار کریندیں ہوئیں انھاں دی شدید مذمت کیتی تے انھاں کوں غیر ضروری اشتعال انگیزی قرار ݙتا جیڑھی پرامن حل دی کوشِشاں کوں نقصان پڄیندی اے۔
فورم ایں ڳالھ کوں سراہیا جو شدید اشتعال انگیزیاں دے باوجود سعودی عرب ہݨ تائیں تحمل تے دانشمندی دا مظاہرہ کیتا جیندے نال سفارتی حل دی راہ ہموار تھئی، تاہم ایں طرح دی بلاجواز جارحیت جاری امن عمل کوں متاثر کر سڳدی اے۔
فورم بھارت ولوں پھیلائی ونڃݨ آلی غلط معلومات، بے بنیاد الزامات تے فالس فلیگ بیانیے کوں ہک دم مسترد کریندیں ہوئیں آکھیا جو ایجھے حربے عالمی سطح تے بے نقاب تھی ڳئن۔ فورم بھارت دے مقبوضہ جموں تے کشمیر اچ انسانی حقوق دی مسلسل خلاف ورزیاں تے تشویش دا اظہار کیتا اتے اڄوکی جعلی مقابلیاں کوں ماورائے عدالت قتل کوں لکاوݨ دی کوشِش قرار ݙتے۔
اپݨے اختتامی کلمات اچ چیف آف آرمی سٹاف تے چیف آف ڈیفنس فورسز کمانڈرز کوں ہدایت ݙتی جو او اعلیٰ ترین آپریشنل تیاری، پیشہ ورانہ معیار تے حالات دے مطابق ڈھلݨ دی صلاحیت کوں برقرار رکھن ۔ انھاں مسلح افواج دی ایں صلاحیت تے مکمل اعتماد دا اظہار کیتا جو او ہر قسم دے خطرات دا مقابلہ کریندے ہوئیں پاکستان دی خودمختاری تے علاقائی سالمیت دا ہر صورت دفاع کریسن اے تھیسی۔