پی ٹی وی تے ٻالاں دا خصوصی پروگرام ”پلینٹ چیمپس” شروع، توانائی، پاݨی دے تحفظ، فضلہ تھکانے لاوݨ، شجرکاری کیتے آڳاہی اچ مدد ملسی، وفاقی وزیر اطلاعات و نشریات مریم اورنگزیب
اسلام آباد (اے پی پی) وفاقی وزیر اطلاعات و نشریات مریم اورنگزیب آکھیے جو پی ٹی وی تے ٻالاں دا خصوصی پروگرام ”پلینٹ چیمپس” شروع تھیوݨ نال توانائی، پاݨی دے تحفظ، فضلہ تھکانے لاوݨ، شجرکاری کیتے آڳاہی اچ مدد ملسی، ٻالاں اچ آگاہی کیتے پٹرولیم اتے توانائی دے درآمدی بل اچ کمی سودھا شہریاں دے گیس اتے بجلی دے بلاں اچ وی کمی آسی۔
اے ڳالھ انہاں پی ٹی وی اچ خصوصی پروگرام ”پلینٹ چیمپس” دی افتتاحی تقریب نال خطاب اچ آکھی۔ انہان بہترین پروگرام پیش کرݨ تے سیکرٹری اطلاعات و نشریات شاہیرہ شاہد، ایم ڈی پی ٹی وی سہیل علی خان اتے انہاں دی ٹیم کوں مبارک ݙتی جو اینڄھا پروگرام ضروری ہا جیندے نال ٻالاں کوں تعلیم و تربیت اتے آگاہی ملے۔ انہاں آکھیا جو ٻالاں دی تعلیم و تربیت اتے انہاں اچ خصوصی آگاہی وزیراعظم دا خصوصی وژن اے، ایں سانڳے کابینہ توانائی بچائومہم دی منظوری وی ݙتی اے، پی ٹی وی این سوچ تے ایں پروگرام تے عمل کریندا پئے۔
