پاکستان تے بھارت دے درمیان ١١ ءچوں ھک فضائی رستہ کھل گئیا
اسلام آباد(سرائیکی نیوز) پاکستان تے بھارت دے درمیان ١١ ءچوں ھک فضائی روٹ پروازاں کیتے کھل گئیا ، سول ایوی ایشن دے ترجمان نواز سپرا دا آکھݨ ھِ کہ پروازاں کیتے کھولݨ والے رستے دا ناں ٹیلم ھِ ٹیلم دے فضائی روٹ تے طیارے بحیرہ عرب تے پاکستان حدود ءچ بدین دے اوتوں بھارت ویندے ھن پاکستان نے اے روٹ مارچ ءچ کھول ݙیتا ھا جبکہ بھارت دی طرفوں اے روٹ ٢ جون کوں کھولا گعے ٹیلم دا فضائی روٹ پاکستان، بھارت سمیت تمام بین الاقوامی ایئرلائن استعمال کر سکدیاں ھن ، رستہ کھلݨ دے بعد بھارتی ایئر لائن ان ڈیگو دی دبئی توں دلی دی پرواز پاکستانی حدود توں بھارت ءچ داخل تھئی ۔ بھارت نے ڈیگوایئرلائن دی پرواز ٦ ای ٢٤ نے ٧٠ منٹ تک پاکستانی فضائی حدود ءچ پرواز کیتی۔
ٹیلم دا فضائی رستہ کھلݨ نال بھارتی ایئرلائن کوں ٢٢ منٹ دی پرواز تے ١٢٠٠ کلو ایندھن دی بچت تھیسی ۔ خیال رھاوے کہ بھارتی فضائیہ دی جارحیت دے بعد رواں سال ٢٧ فروری توں ݙونہاں ملکاں دی فضائی حدود بند ھائی
