واجبات ادائیگی کیس، سپریم کورٹ دا سندھ حکومت کوں کے الیکٹرک دے واجبات دی قسط ادا کرݨ دا حکم

کراچی(سرائیکی نیوز) کے ایم سی تے کے الیکٹرک دے درمیان واجبات دی ادائیگی دے تنازع ءچ سپریم کورٹ دا حکومت سندھ کوں آئندہ سیشن تک کے الیکترک دے واجبات دی قسط ادا کرݨ دا حکم ݙے ݙیتا، تفصیل دے مطابق سپریم کورٹ کراچی رجستری ءچ کے ایم سی تے کے الیکٹرک دے درمیان واجبات دی ادائیگی دے بارے تنازعے دی سماعت تھئی ، جسٹس گلزار احمد دی سربراھی ءچ بنچ نے سماعت کیتی ، کمشنر کراچی ڈاکٹر سیف الرحمن عدالت ءچ پیس تھئے ، جسٹس گلزار احمد نے استفسار کیتا کہ آخر شہر ءچ کیا تھیندا پیا ھِ کے الیکٹرک اپنڑاں تے کے ایم سی اپنڑاں دعوی کریندے ھن، کے الیکٹرک واجبات ادا نی کریندا تاں حکومت دی رٹ کیتھاں ھِ کے ایم سی بل ادا نی کر سکدی تاں بجلی کٹنی چاھیدی ھِ

جسٹس گلزار احمد نے ریمارکس ݙیتے کہ اویں وی کے ایم سی دے ہووݨ یا نا ہوݨ نال شہر ءچ کیا فرق پوندے عباسی شہید ہسپتال دی حالت توں واقف ھیں ، مریض لا وارث تے ڈاکٹرز اے سی ءچ بیھ تے مزے گھیندن، وکیل حکومت سندھ نے آکھیا کہ ١٠ کروڑ ݙیوݨ کیتے اکاونٹنٹ جنرل کوں خط لکھ ݙیتے ، وکیل کے الیکٹرک نے آکھیا کہ اساں ھن تک ١٠ کروڑ نی ملے عدالت نے آبزوریشن ݙیتی کہ بل نی ݙے سکدے تاں بجلی کٹ ݙیتی ویسی۔ عدالت نے حکومت سندھ کوں آئندہ سیشن تک کے الیکٹرک دے واجبات دی قسط ادا کرݨ دا حکم ݙیندے ہووے فریقین کوں تنازعے دا حل تجویز کرݨ دی ھدایت کر ݙیتی۔

Similar Posts

Leave a Reply

Your email address will not be published. Required fields are marked *