موسمیاتی تبدیلیاں دے اثرات توں بچݨ کیتے موثر اقدامات کرݨے ہوسن، وفاقی وزیر شیری رحمان دا تجارتی کانفرنس نال خطاب
اسلام آباد۔1جون(اے پی پی)وفاقی وزیر ماحولیاتی تبدیلی سینیٹر شیری رحمان آکھیے جو پاکستان کوں شدید ماحولیاتی چیلنجز دا سامݨا اے، موسمیاتی تبدیلیاں دے اثرات توں بچݨ کیتے موثر اقدامات کرݨے ہوسن، ایں سانڳے ماحولیات دے تحفظ اتے قدرتی وسائل دے استعمال کیتے ذمہ دارانہ رویے اپناوݨے چاہیدن اتے لوکاں کوں آگاہی ݙویڄے۔
اے ڳالھ انہاں لیڈرز ان اسلام آباد بزنس سمٹ نال خطاب اچ آکھی۔ انہاں پاکستان کوں ماحولیاتی آلودگی اتے موسمیاتی تبدیلیاں دے چیلنجاں بارے الیندے ایندے سماجی و معاشی اثرات تے الایا۔ انہاں آکھیا جو موسمیات بارے پاکستان اچ موثر ارلی وارننگ نظام دی لوڑھ اے، محکمہ موسمیات کوں جدت ݙتی ونڄے، دیامیر بھاشا کیتے کنسورشیم فنانس ݙیوݨا ہوسی
موسمیاتی تبدیلیاں نال خطرات نال نمٹݨ کیتے ممکنہ متاثرہ لوکاں کوں پہلے ہی آڳاہی اتے نقصان توں بچاوݨ دی آڳونہی دے اقدامات کیتے ونڄن ، پاݨی دی کمی دے مسلے تے قابو پاتا ویندا پئے، قحط سالی اتے سیلاب ماحولیاتی تبدیلیاں دے اثرات پاروں ہین، پاݨی دیا ضیان روکݨ عادت ٻݨاوݨی ہوسی۔
