ملک اچ آبی وسائل محفوظ ٻݨاوݨ کیتے آڳاہی ݙیوݨ دی لوڑھ اے، وزیراعظم شہباز شریف
اسلام آباد۔ (اے پی پی)وزیر اعظم محمد شہباز شریف آکھیے جو پاݨی جیوݨ اے اتے ساکوں رل تے آبی وسائل محفوظ ٻݨاوݨ کیتے آڳاہی ݙیوݨ خاس کر ٻالاں اچ شعور اٻاھرݨ دی لوڑھ اے۔ پاݨی دے عالمی ݙینھ تے انہاں ٹویٹ کیتی جو اے ݙینھ اے سمڄھݨ کیتے ہے جو آبی وسائل کتنے قیمتی اتے نایاب ہین تے ساکوں پاݨی دے استعمال دی اپݨی عادات کیویں اپناوݨیان ہوسن، اے ساݙی سانڄھی ذمہ واری اے جو اساں آبی وسائل کوں محفوظ کروں اتے اپݨے ٻالاں کوں ایندے کیتے آڳاہی ݙیووں۔
