ملک ءچ گرمی دی شدت کراچی ءچ پارہ ٤٢ ݙگری تک پھج گئیا

کراچی (سرائیکی نیوز) کراچی ءچ عید دے ݙوجہے ݙینھ وی حبس دا سلسلہ بدھیا رھیا درجہ حرارت ٤٢ ڈگری سینٹی گریٹ تک پھج گئی ، محکمہ موسمیات دے مطابق کراچی ءچ عید دے ݙوجہے ݙینھ درجہ حرارت ٣٩ ڈگری سینٹی گریڈ توں ٤٢ گریڈ تک چلی گئی ھوا ءچ نمی دا تناسب ٤٥ توں ٧٥ فیصد تک رھیے، محکمہ موسمیات دا آکھݨ ھِ کہ آئندہ تریھ روز تک کراچی دا موسم گرم رھاسی لیکن ھیٹ ویو دا کوئی خطرہ کینی تے شہر ءچ ہوا چلدی رھاسی، محکمہ موسمیات دے مطابق ٢٤ گھنٹیاں دے دوران لاہور تے ملتان ءچ درجہ حرارت ٤٣ توں ٤٥ ، گوجرانوالی ءچ ٣٩ توں ٤١ ڈگری ، فیصل آباد ءچ ٤١ توں ٤٣ ڈگری ، میر پور خاص ءچ ٤٢ توں ٤٥ ڈگری ، سکھر ءچ ٤٨ توں ٥٠ ڈگری تے سبی ءچ ٤٦ توں ٤٨ ڈگری سینٹی گریڈ رھاوݨ دا امکان ھِ طبی ماہرین تے ڈاکٹراں نے کراچی سمیت گرم علاقیاں ءچ لوگاں کوں بلا ضرورت گھراں توں باھر نکلݨ یا دھپ تے چھتری یا سراں تے سینا کپڑا رکھݨ دا مشورہ ݙیتا ھِ ماہرین دے مطابق گرمی ءچ جسم ءچ نمکیات دی کمی کوں پورا کرݨ کیتے شہری پانڑی دا زہادہ استعمال کرم تے ھلکے رنگاں دے ݙھیلے کپھڑے پاون، محخمہ موسمیات دے مطابق عید دے ݙینھ ملک ءچ سب توں زیادہ گرمی جیکب آباد ءچ پئی ھِ جیتھاں درجہ حرارت ٤٩ ڈگری سینٹی گریڈ رھیا ھِ جبکہ ڈوجہے ٤٨ ڈگری سینٹی گریڈ دے نال ڈوجہا گرم ترین شہار ھا