مظلوم فلسطینیاں ڊی حمایت ڄاری رکھیسوں، ایران
تہران(سرائیکی نیوز) اسلامی جمہوریہ ایران دی پارلیمنٹ دے اسپیکر دے مشیر نے ایران ءچ فلسطین دے سفیر صلاح الدین الزواوی دے نال تھیون والی ملاقات ءچ آکھیا ھِ کہ ایران فلسطینیاں دی حمایت جاری رکھیسی۔ ایں ملاقات ءچ فلسطین دے سفیر نے آکھیا کہ مسئلہ فلسطین عالم اسلام دا سبھ توں وڈا تے اہم مسئلہ ھِ تے ایں مسئلہ تے امت مسلمہ کوں بھر پور توجہ ݙیونڑی چاھیدی ھِ فلسطینی سفیر نے آکھیا کہ امریکی صدر ٹرمپ عالمہ صہیونی منصوبیاں دے اصلی کرتا دھرتا ھن تے انہاں کوں بعض گمراہ عرب حکمراناں دی حمایت حاصل ھِ انہاں دا آکھن ھا کہ فلسطینی عوام نے سینچری ڈیل کوں وی مسترد کر ݙیتا ھِ فلسطینی سفیر نے آکھیا کہ امریکی صدر ٹرمپ دی طرفوں بیت القدس کوں اسرائیل دا دارالحکومت قرار ݙیوݨ در اصل بیت القدس دی تاریخ تے عالم اسلام ءچ قدس دی اہمیت توں انہاں دی عدم واقفیت دی نشاندھی ھِ
