مخیر حضرات چھل ماریے لوکاں دا ہتھ ونݙاوݨ کیتے آڳو آون، وزیراعظم محمد شہباز شریف دی اپیل

اسلام آباد (اے پی پی)وزیراعظم محمد شہباز شریف مخیر حضرات کوں اپیل کیتی اے جو او ماریے لوکاں دا ہتھ ونݙاوݨ کیتے آڳو آون، چھوٹے ٻالاں کوں خوراک دی وݙی لوڑھ اے، ٹھݙ اچ گرم کپڑیاں دی لوڑھ پوسی، وفاقی و صوبائی حکومتاں اپݨے سارےو ساعل لیندی پئی اے، متاثرین کوں 25 ہزار روپے ہر ٹٻر دے حساب نال 30 ارب روپے ونݙیڄ چکین، بجلی دے ݙو مہینے دے ٻل وی معاف کر فتن۔ برطانیہ ونڄݨ توں پہلے نور خان ایئر بیس تے سیلاب متاثرین دی بحالی کیتے جائزہ اجلاس نال الیندے انہاں آکھیا جو ثمرقند اچ شنگھائی تعاون تنظیم دے سربراہ اجلاس ویلھے چین، ترکی، ایران اتے سینٹرل ایشیاء دے سربراہان دا سیلاب متاثرین دی امداد تے شکریہ ادا کیتے، دوست ملکاں ہر ممکن ہتھ ونݙاوݨ دا یقین ݙیوائے جو ایں آفت نال کؤعی وی ملک کلہا نئیں نمٹ سڳدا۔ انہاں کوں سیلاب متاثرین اتے امداد و بحالی سانڳے اقدامات دا ݙسائم جو نقصانات دا سروے تھیندا پئے، حق دار حق توں محروم نا رہسی، حکومت متاثرین دی آباد کاری، بجلی دے بلاں تے وی معافی ݙیندی پئی اے، متاثرہ علاقیاں اچ سارے ادارے رل تے کم کریندے پن۔ انہاں آکھیا جو سیلاب متاثرین دی امدا وݙی انسانی خدمت دا کم اے جیندے کیتے ہر کہیں کوں کم کرݨا چاہیدے۔