لاہور ءچ داتا دربار دے باھر دھماکہ، ٣ پولیس اہلکاراں سمیت ٥ افراد شہید ، ٢٤ زخمی
لاہور(سرائیکی نیوز) صوبائی دارالحکومت لاہور ءچ داتا دربار دے باہر خود کش دھماکے ءچ ٣ پولیس اہلکاراں سمیت پنجھ بندے شہید تے ٢٤ زخمی تھئی گئے جنہاں ءچوں ٧ دی حالت تشویشناک ڈسائی ویندی ھِ دھماکے ءچ ایلیٹ پولیس دی گڈی کوں نشانہ بنڑایا گئیا ھِ وزیر اعظم عمران خان نے دھماکے دی مزمت کیتی ، وزیر اعلی پنجاب نے بھکر دا دورہ منسوخ کر ݙیتا تے داتا دربار دھماکے دی انکوائری دا حکم ݙے ݙیتا۔
پولیس دے مطابق حملہ خود کش ھا حملہ آور دے اعضاء فرانزک کیتے بھیجوا ݙیتے گئے پولیس دا آکھݨ ھِ کہ دہشتگرد نے ایلیٹ دی گڈی کوں نشانہ بنڑایا دہشت گرد مین روڈ توں وی وی آئی پی گیٹ دی طرف گئیا پولیس دی وڈی تعداد نے علاقے کوں گھیرے ءچ گھن گھیدا، شہید تھیون والیاں ءچ ݙو پولیس اہلکار شاہد تے سلیم جبکہ شہری دی شناخت رفیق دے ناں توں تھئی ھِ وزیر اعلی پنجاب عثمان بزدار نے اپنڑاں دورہ بھکر منسوخ کر ݙیتا تے داتا دربار دھماکے دی انکوائری دا حکم ݙے ݙیتا، وزیر اعلی نے آئی جی پولیس تے ایڈیشنل چیف سیکرٹری داخلہ توں رپورٹ طلب کر گھیدا ، وزیر اعلی نے ھدایت کیتی ھِ کہ زخمیاں کوں علاج معالجے ءچ بہترہن سہولیات فراہم کیتیاں ونجن
