صدر مملکت یوم پاکستان تے قیدیاں دی سزاوں اچ 90 ݙینھ دی کمی دی منظوری ݙے ݙتی

اسلام آباد۔ (اے پی پی)صدر مملکت ڈاکٹر عارف علوی یوم پاکستان تے قیدیاں دی سزاوں اچ 90 ݙینھ دی کمی دی منظوری ݙے ݙتی اے۔ سزاواں اچ کمی دا اطلاق قتل، جاسوسی اتے ریاست مخالف سرگرمیاں اچ ملوث قیدیاں تے نہ تھیسی۔ ایویں زنا، چوری، ڈکیتی، اغواء اتے دہشتگردی اچ سزا یافتہ مجرماں تے وی سزاواں اچ کمی دا اطلاق نہ تھیسی۔ سزا اچ کمی دا اطلاق مالی جرائم اتے قومی خزانے کوں نقصان پچاوݨ آلے مجرماں تے وی نا تھیسی۔ 65 سال توں ودھ اتے 18 سال توں ڳھٹ عمر دے قیدیاں ڄیڑھے اپݨی ہک ترہائی قید کٹ چکین کوں رعایت ملسی۔ صدر مملکت سزاواں اچ کمی دی منظوری آئین دے آرٹیکل 45 دے تحت ݙتی اے ۔

Similar Posts

Leave a Reply

Your email address will not be published. Required fields are marked *