سویرے سویرے خیبر پختونخواء دے مختلف علاقیاں ءچ زلزلے دے جھٹکے
پشاور (سرائیکی نیوز) خیبر پختونخواہ دے مختلف علاقیاں ءچ سویرے سویرے زلزلے دے جھٹکے محسوس کیتے گئے جیندے نال لوگ ڈر گئے تے کلمہ طیبہ دا ورد کریندے ہووے گروں باھر نکل آئے، زلزلہ پیما مرکز دے مطابق مالاکنڈ ڈویژن ءچ زلزلے دے جھٹکے محسوس کیتے گئن، شانگلہ ، ایبٹ آٻاد، مانسہرہ ، مرڊان، ٻالا کوٹ ، ٻٹگرام، تورغر تے کوہستان ءچ وی زلزلے ڊے جھٹکے محسوس کیتے گئے ، زلزلہ پیما مرکز دے مطابق ریکٹر اسکیل تے زلزلے دی شدت ٥ اعشاریہ ١ ریکارڈ کیتی گئی جبکہ ایندا مرکز بٹگرام نال ٢٠ کلو میٹر دور مغرب ءچ پہاڑی سلسلہ ھا ، زلزلے دے جھٹکے محسوس تھیوݨ تے لوگاں ءچ ڈر پھیل گئیا تے لوگ کلمے دا ورد کریندے ہووے گھراں توں باھر نکل آئے، زلزلے ءچ کہیں جانی یا مالی نقصان دی اطلاع نی ملی
