سمندری طوفان ، وایو، شدت اختیار کر گئیا، سندھ دے تریھ ضلع ءچ اندھاری تے بارش دا خطرہ
کراچی(سرائیکی نیوز) بحیرہ عرب ءچ بنڑݨ والا سمندری طوفان وایو شدت اختیار کر تے کیٹگری ون ءچ تبدیل تھئی چکیا ھِ جیندے بعد بدین ٹھٹہ تے تھر پارکر ڈسٹرکٹ ءچ تیز اندھیری تے بارشاں متوقع ھن کراچی ءچ مزید تریھ ڈینھ تک ھیٹ ویو وانگوں صورتحال رھاسی ، چیف میٹرولوجسٹ سندھ عبدالرشید دے مطابق طوفان وایو کراچی دے جنوب توں ٨٠٠ کلو میٹر دور بحیرہ عرب ءچ موجود ھِ تے جنوب دے پاسے تیزی نال ودھدا پئے جو کل بھارتی ساحض گجرات نال ٹکرا سکدے ، چیف میٹرولوجسٹ دے مطابق آئندہ ٤٨ گھنٹیاں دے دوران طوفان دی شدت برقرار رھاوݨ دا امکان ھِ جیندے پیش نظر ٹھٹہ بدین تے تھر پارکر ڈسٹرکٹ ءچ تیز اندھاری تے بارشاں متوقع ھن۔
انہاں آکھیا کہ کراچی ءچ آئندہ تریھ ڈینھ دے دوران ھیٹ ویو وانگوں صورتحال رھاسی ، ݙینھ دے اوقات ءچ سمندری ھوواں معطل یا معمول توں انتہائی گھٹ رفتار نال چلسن، ہوا ءچ نمی زیادہ ہووݨ نال گرمی دی شدت زیادہ محسوس کیتی ویسی ۔ چیف میٹرولوجسٹ دے مطابق اج شام تک واضح تھیسی کہ کراچی ءچ طوفان دے اثرات کیں حد تک نظر آ سکدے ھن ، سمندر ءچ اج توں طغیانی دی کیفیت ھِ محکمہ موسمیات نے وی مچھیریاں کوں اج شام توں جمعہ دے دوران سمندر ءچ نا ونجݨ دی ھدایت کر ݙیتی ۔ ݙوجہے پاسے ممکنہ سمندری طوفان دے پیش نظر ضلع بدین ءچ الرٹ جاری کر ݙیتا گئیا ، ڈپٹی کمشنر حفیظ سیال دا آکھݨ ھا کہ سرکاری محکمیاں دے افسراں دیاں چھٹیاں منسوخ کر ݙیتیاں گئیا ھن تے برساتی نالیاں کوں ھنگامی صفائی دی وی ھدایت کر ݙیتی گئی ھِا
