جغرافیائی لحاظ دءِ نال پاکستان دہشتگردی دیخلاف جنگ ءچ فرنٹ لائن تے ھِ

ملتان(سرائیکی نیوز) سابق وزیر اعظم سید یوف رضا گیلانی دا آکھݨ ھا کہ جغرافیائی لحاظ نال پاکستان دہشت گردی دیخلاف جنگ ءچ فرنٹ لائن تے لڑدا پئے ، دہشت گردی ھک ناسور ھِ جو ترقی دی راہ ءچ رکاوٹ ھِ دہشت گردی دیخلاف جنگ ءچ اساݙے جوان تے شہریاں شہادت نوش کیتی ، انہاں خیالات دا اظہار انہاں وستی جھنڈے والا ءچ سانحہ داتا دربار ءچ شہید تھیوݨ والے تریھ بندیاں دے لواحقین نال اظہار تعزت دے بعد سرائیکی نیوز دے نال گالھ مہاڑ دے دواران کیتا، انہاں آکھیا کہ میں حکومت توں اپیل کریساں کہ جاں بحق دی مالی امداد کیتی ونجے انہاں آکھیا کہ حکومت کوں دہشت گردی دے حوالے نال ٹھوس موقف اپنڑاونڑاں چاھیدے تے ایں سانحے دی چھاݨ بین مکمل کیتی ونجے انہاں آکھیا کہ میݙے دور اقتدار ءچ سوات تے مالاکنݙ ءچ دہشت گردی دیخلاف آپریشن شروع کیتا گئیا ھا ، انہاں آکھیا کہ سوات تے مالاکنݙ آپریشن ءچ ٢٥ لکھ افراد بے گھر تھئے لیکن اساں ٩٠ ݙینھ ءچ انہاں بندیاں کوں واپس گھراں کوں بھیج ݙیتا ھا جیتھاں دی دنیا ءچ گھت مثال ملدی ھِ یوسف رضا گیلانی آکھیا کہ افغانستان صرف اساݙا برادر ملک کینی بلکہ ہمسائیہ وی ھِ ایندے نال چنگے تعلقات رھاونڑیں چاھندن، افغانستان نال باقی دنیا نے چلے ونجنڑاں ھِ اساں بچور ہمسائیہ نال رھاونڑاں ھِ انہاں آکھیا کہ جو کابل ءچ تھیندا ھِ ایندے اثرات پاکستان جبکہ جو پاکستان ءچ تھیندے ایندے اثرات کابل تے پوندے ھن ، انہاں آکھیا کہ مہنگائی تے اساں پارلیمنٹ کوں فورم بنڑایا ھ، اوتھاں عوام دی آواز چائے ویسی۔