کاروباری برادری کوں منافع بخش کاروبار کیتے سازگار ماحول تے سوکھ ڈیونڑ حکومت دی ترجیح ھِ، وزیر اعظم عمران خان

0
64

کاروباری برادری کوں منافع بخش کاروبار کیتے سازگار ماحول تے سوکھ ڈیونڑ حکومت دی ترجیح اے ، وزیراعظم عمران خان دی معروف بزنس مین عارف حبیب دی سربراہی اچ اہم شخصیات نال گال مہاڑ

اسلام آباد  (اے پی پی) وزیراعظم عمران خان آکھیے جو کاروباری برادری کوں منافع بخش کاروبار کیتے سازگار ماحول تے سوکھ ڈیونڑ حکومت دی ترجیح اے،حکومتی اقدامات پاروں بین الاقوامی سرمایہ کار پاکستان ڈے آندے پن ۔اے گال انہاں معروف بزنس مین عارف حبیب دی سربراہیں اچ قطر اچ مختلف شعبیں نال وابستہ پاکستانی نژاد اہم شخصیات نال گال مہاڑ کریندے ہوئیں آکھی اے جنہاں سنوار کوں اتھاں اسلام آباد اچ انہاں نال ملاقات کیتی ۔ وفد اچ ڈائریکٹر پراڈکٹ اینڈ مارکیٹ ڈویلپمنٹ قطر اسٹاک ایکسچینج محسن مجتبیٰ ، جنرل کونسل قطر فنانشل سنٹر اسحٰق برنی، سینئر ڈائریکٹر الریان انویسٹمنٹ اکبر خان، لیگل ڈائریکٹر فیفا ورلڈ کپ قطر 2022عارج سید واسطی، چیف اکانومسٹ اکنامک پالیسی اینڈ ریسرچ وزارت خزانہ قطر عرفان علیم تے بئے شامل ہن ۔ملاقات اچ پاکستان اتے قطر وچال اقتصادی و تجارتی تعلقات کوں مزید ودھاونڑ کیتے خصوصاً ملک اچ معیشت دے مختلف شعبے اچ قطر ی سرمایہ کاری اتے قطر اچ پاکستانی نینگراں تے ہنر منداں کیتے نوکریاں دے موقع تے تجارتی سرگرمیاں دے ودھارے تے گال مہاڑ کیتی گئی ۔وزیراعظم وفد نال گال مہاڑ کریندے ہوئیں آکھیا جو کاروباری برادری تے سرمایہ کار کوں منافع بخش کاروبار کیتے سازگار ماحول ڈیونڑ انہاں کوں سوکھ ڈیونڑ موجودہ حکومت دی ترجیح اے ،انہاں آکھیا جو کاروبار دوست معاشی پالیسیاں ، استحکام اتے ایز آف ڈوئنگ بزنس دے حوالے نال سازگار ماحول دی بدولت بین الاقوامی سرمایہ کار پاکستان ڈے آندے پن ۔ملاقات اچ قطر اچ پاکستانی ہنرمنداں اتے تعلیم یایفتہ نینگراں کیتے نوکریاں دے موقع پیدا کرنڑ تے تفصیلی گال مہاڑ کیتی گی ۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.