پاکستانی طلباء دی ہسپتال توں چھٹی ، چینی حکام نے پاکستانی سفارتخانے توں خصوصی ٹاسک فورس کوں ووھان ونجݨ دی اجازت ݙے ݙیتی

0
135
کرونا وائرس

بیجنگ ، چینی حکام نے پاکستانی سفارتخانے توں خصوصی ٹاسک فورس کوں ووھان ونجݨ دی اجازت ݙے ݙیتی ، ٹاسک فورس ووھان دا لاک ڈاون مکمل طور تے ختم تے صورتحال مکمل طور تے مستحکم تھیوݨ تے اوتھاں رھاسن۔

پاکستان دی خصوصی درخواست تے چینی حکام نے بیجنگ ءچ پاکستانی سفارتخانہ دے ھک ݙو ممبراں دی خصوصی ٹاسک فورس کوں ووھان شہار ونجݨ دی اجازت ݙیتی تاکہ او مختلف یونیورسٹیاں ءچ پاکستان طالب علماں نال مل سکن تے انہاں دی خیریت تے حفاظت دے بارے معلومات حاصل کرسکن۔ ٹاسک فورس نے آکھیا ھِ کہ یونیورسٹیاں ءچ جتنے وی طالب علم موجود ھن او مکمل طور تے محفوظ ، صحت مند ھن تے انہاں دی چنگی طرح ݙیکھ بھال تھیندی پئی ھِ ۔ ٹاسک فورس مستقل طور تے ووھان ءچ موجود ھِ تے چینی ھخام دے نال تعاون کریندی پئی ھِ اے ٹاسک فورس اوں ویلے تک ووھان ءچ رھاسی جئیں ویلے تک ووھان دا لاک ڈاون مکمل طور تے ختم نی تھئی ویندا تے صورتحال مکمل طور تے مستحکم نی تھئی ویندی ، ٹاسک فورس نے چار یونیورسٹیاں دا دورہ کیتا جیتھاں طلباء زیر تعلیم ھن

انہاں ہر یونیورسٹی دے انتظامی عملے نال وی ملاقات کیتی تے طلباء کیتے کیتے ونجݨ والی حفاظتی اقدامات دا جائزہ گھیدا او تریھ دیگر یونیورسٹیاں دا دورہ کریسن تے یونیورسٹیاں ءچ زیر تعلیم طلباء تے انتظامی عملے نال ملاقات کریسن۔ کرونا وائرس دے انفیکشن دی وجہہ نال صوبہ ہوبے دے لاک ڈاون دے پہلے ݙینھ توں ہی پاکستانی سفارتخانے صوبہ ہوبے تے چین ءچ موجود پاکستانی طلباء کوں ہر ممکن سہولت فراہم کرݨ کیتے فعال کردار ادا کریندا پیا ھِ ݙوجہے پاسے ووھان ءچ کورونا وائرس نال متاثرہ ٤ پاکستانی طلباء دا علاج کیتا گئیا ھِ ھن انہاں کوں مکمل صحت یابی دے بعد ہسپتال توں فارغ کر ݙیتا گئیا ھِ سفارت خانے دے افسران نے ووھان ءچ پاکستانی طلباء دے نال گالھ مہاڑ کریندے ہووے ݙسایا کہ طلبہ صحت مند ھن تے انہاں دی چینگی ݙیکھ بھال کریندے پئے ھن۔

LEAVE A REPLY

Please enter your comment!
Please enter your name here