٧ملین غریباں ءچ ہر مہینے ݙو ھزار دے حساب نال ونݙائے ویسن
٧ملین غریباں ءچ ہر مہینے ݙو ھزار دے حساب نال ونݙائے ویسن
اسلام آباد ۔ 31 جنوری (اے پی پی) وزیراعظم عمران خان جمعے کوں کفالت پروگرام دا اجراءکرڈتا،پورے ملک دی 7ملین غریب تریمتیں کوں ڈو ہزار روپے ہر مہینے ڈتے ویسن ۔وزارت سماجی تحفظ تے تخفیف غربت دے ذرائع دے مطابق احساس کفالت پروگرام دے تحت سارے مستحقین کو ںوزیر اعظم دے ”راشن وظائف“ اتے ”ون ویمن ون بینک اکاﺅنٹ“ وژن دے مطابق مخصوص اے ٹی ایمز اتے بینک دی شاخاں توں ادائیگیاں دی سہولت ڈتی ویسی۔ہر مستحق تریمتیں کوں اپنڑے سیونگ اکاﺅنٹ دی سہولت ڈتی ویسی۔ایں پروگرام دے اجراءنال تریمتیں کوں مالی اتے ڈیجیٹل نظام اچ رلاونڑ دے موقع ملسن۔ کفالت پروگرام بی آئی ایس پی دے مالی تعاون دے پچھلے پروگرام توں بہوں وکھرااے۔ایں اچ 10سالیں بعد بنیادی تبدیلیاں کیتیاں گئن۔ مستحقین دی رجسٹرےشن سانگے سروے طریقہ کار کوں بدل ڈتا گئے ۔ذرائع دے مطابق ایں پروگرام دے تحت فروری 2020ءاچ 15 اضلاع اچ ڈیسک رجسٹریشن تھیسی۔ انہاں اضلاع اچ سجاول، بہاولپور، چکوال، چارسدہ، فیصل آباد، ہری پور، جیکب آباد، کیچ، قلعہ سیف اللہ، لکی مروت، لیہ، مہمند ایجنسی ، نصیر آباد، سکھر اتے ٹھٹھہ شامل ہن۔
