اسلام آباد۔ 7 اپریل (اے پی پی) وزیراعظم محمد شہباز شریف سعودی عرب اچ الجبیل آئل فسیلٹی تے حملے دی شدید مذمت کریندیں ہوئیں سعودی عرب دے نال پاکستان دی غیر متزلزل یکجہتی تے مکمل حمایت دا اعادہ کیتے اتے سعودی ولی عہد تے وزیراعظم شہزادہ محمد بن سلمان بن عبدالعزیز السعود کوں یقین ݙوایا جو پاکستان دی حکومت تے عوام ہمیشہ آپݨے سعودی بھراواں تے بھینڑیں دے نال کھڑے رہسن ۔
منگل کوں وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف سعودی عرب دے ولی عہد تے وزیراعظم شہزادہ محمد بن سلمان بن عبدالعزیز السعود نال ٹیلیفون تے ڳالھ کیتی اے۔ ݙوہیں رہنماواں خطے اچ جاری کشیدگی تے ڳالھ کیتی۔ وزیراعظم موجودہ کشیدگی دے دوران سعودی قیادت ولوں تحمل اتے دانشمندی دے مظاہرے کوں سراہیا اتے آکھیا جو پاکستان ٻئے ملکاں نال رل تے امن دی کوشِشاں کوں کامیاب بݨاوݨ کیتے بھرپور کردار ادا کریندا پئے ۔
انھاں مشرقِ وسطیٰ دی صورتحال اچ کشیدگی گھٹ کرݨ کیتے پاکستان دی سفارتی کوششاں توں وی ولی عہد کوں ݙسیا۔ وزیراعظم خادم الحرمین الشریفین شاہ سلمان بن عبدالعزیز السعود کیتے نیک تمناواں تے پرتپاک سلام دا اظہار وی کیتا ۔ سعودی ولی عہد خطے اچ امن تے استحکام دی بحالی کیتے پاکستان دی کوشِشاں کوں سراہیا۔
