وزیراعظم دی معاون خصوصی اطلاعات و نشریات ڈاکٹر فردوس عاشق اعوان دی میڈیا کوں بریفنگ

0
212
Firdous
Pic20-064 ISLAMABAD: Jul20 – Special Assistant to Prime Minister on Information and Broadcasting Dr. Firdous Ashiq Awan addressing a press conference federal capital. ONLINE PHOTO

اسلام آباد ۔  وزیراعظم عمران خان وفاقی کابینہ کوں اعتماد اچ گھندے ہوئیں اپنڑے عزم کوں دوہرائے جو اساں پاکستان دے موجود صدی دے ساریں توں وڈے چیلنج نال نبڑن کیتے پرعزم اتے ہر ویلھے ڈینھ رات صورتحال کوں مانیٹر کریندی پئی اے، چین اساڈا پرانڑاں یار اے جیرھا جو پاکستان کوں ترجیحی بنیاداںتے ضروری چیزاں ڈیندا پئے۔کرونا وائر دی عالمی علاقائی تے ملکی سطح تے صورت حال دا تفصیل نال جائزہ گھندے ہوئیں وختی اقدامات کیتے ویندے پن ۔عوام کیتے معاشی ریلیف پیکیج ایں سلسلے دی اہم کڑی اے ، وفاقی کابینہ غیر ملکی تجارتی قرضیں تے منافع دیاں ادائیگیاں تے ٹیکس چھوٹ ، ایس ایم ای بورڈ دی تنظیم نو، وزارت قومی تاریخ و ادبی ورثہ ڈویژن دا ناں بدال تے قومی ورثہ ثقافت رکھنڑ ، ضلع ننکانہ صاحب اچ متروکہ وقف املاک بورڈ دی زمین دی فی ایکٹر لیز 4500 روپے مقرر کرنڑ سمیت بئے اہم پالیسی امور دی منظوری ڈتی اے ۔ وفاقی کابینہ کوں ڈسایا گے جو جولائی توں فروری دے دوران اعداد و شمار دے مطابق مجموعی قرضے ڈیونڑ دی شرح 14 فیصد ریکارڈ کیتی گی، گزریل مہینے مجموعی طور تے مہنگائی دی شرح 11.7 فیصد گھٹ ، جولائی توں فروری تئیں مجموعی باہرلی سرمایہ کاری 3988 ملین ڈالر ریکارڈ کیتی گی اے ، وزیراعظم عمران خان اوورسیز پاکستانیاں اتے نینگراں کوں نال رلا تے کورونا وائرس دے چیلنج نال نبڑنڑ دی ضرورت تے زور ڈتا ، نینگر رضا کار فورس قائم کرتے پاکستان دے نینگر کوں ڈکھی انسانیت کیتے ہر اول دستہ بنڑایا ونجے ۔ بدھ کوں وزیراعظم عمران خان دی زیر صدارت وفاقی کابینہ دا اجلاس منعقد تھیا ۔کابینہ اجلاس دے بعد میڈیا کوں بریفنگ ڈیندے ہوئیں وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جوکابینہ اجلاس دے شروع اچ ہی وزیراعظم گال مہاڑ کریندے ہوئیں آکھیے جو کورونا وائرس دی وباء پوری قوم کیتے پریشانی دا باعث اے، اساں ہر پہلو دا باقاعدہ جائزہ گھندے پیوں تے عوامی مفاد اچ بہترین فیصلے کریندے پیوں ۔وفاقی حکومت دی پوری کوشش ہوندی اے جو صوبیں کوں نال گھن تے ٹرے ،۔لاک ڈاﺅن دے اپنڑے مضمرات ہن لیکن وفاقی حکومت 25فیصد غریب طبقے تے توجہ ڈیندی پئی اے ،ایں کیتے حکومت دا پہلا فرض اے جو انہاں غریباں دا ہر لحاظ نال خیال رکھیا ونجے تے ہر حال اچ روزانہ دیاں چیزاں دی دستیابی کوں یقینی بنڑایا ونجے ۔انہاں ڈسائے جو اجلاس اچ وزیراعظم ایں گال تے وی زور ڈتے جو وختی اچ کیتے گے فیصلے دا ضیان تھیندے ،ہر ملک اچ کورونا وائرس نال پیدا تھیونڑ آلی صورت حال مختلف اے ، ہر ملک اپنڑے حساب نال بہترین فیصلے کریندے پن تے روزانہ دی بدلتی ہوئی صورتحال کوں سامنڑے رکھیندے ہوئیں عوام دے مفاد اچ بہترین فیصلے گھننڑ دی پوری کوشش کریندے پیوں ، ڈاکٹر زاتے نرساں اوکھے حالات اچ چنگے طریقے اپنڑاں کم کریندے پن ،انہاں کیتے حفاظتی لباس دی دستیابی یقینی بنڑائی ویسی ۔کابینہ کوں معاشی اعشاریں تے تفصیلی بریفنگ ڈیندے ہوئیں ڈسائے جو گزریل مہینے فروری تئیں دے اعداد شمار دے مطابق مالی سال 2019-20اچ کرنٹ اکا ¶نٹ خسارے اچ 71 فصد بہتری ، ٹریڈ بلنس دے زمرے اچ 34 فیصد بہتری، ترسیلات زر اچ 5.4 فیصد بہتری دے نال 15.1 ارب ڈالر ریکارڈ تھیا ۔ فنانشل اتے کیپیٹل مارکیٹ دے ضمن اچ ڈسائے جو جولائی توں فروری دے اعداد و شمار دے مطابق مجموعی قرضہ ڈیونڑ دی شرح 14 فیصدریکارڈ کیتی گی اے جیں اچ نجی شعبے کوں 136ارب روپے، زرعی شعبے کوں 590ارب روپے دا اجراءکیتا گے ۔ کابینہ کوں ڈسایا گے جو گزریل مہینے تئیں مجموعی طور تے مہنگائی دی شرح 11.7فیصد گھٹ ریکارڈ کیتی گی ، سرمایہ کاری دے ضمن اچ جولائی توں فروری تئیں مجموعی باہرلی سرمایہ کاری 3988 ملین ڈالر ریکارڈ کیتی گئی اے کابینہ کوں کاٹن، چاول، گنا اتے مکئی دی پیدواری تخمینں بارے وی تفصیل نال ڈسائے ۔۔ اے پی پی

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.