وزیراعظم دی صدارت اچ ٹیکس اصلاحات، معیشت دی ڈیجیٹا ئزیشن اتے محصولات پاروں اقدامات تے اجلاس

0
13
وزیراعظم محمد شہباز شریف دی صدارت اچ ٹیکس اصلاحات، معیشت دی ڈیجیٹا ئزیشن اتے محصولات اچ ودھارے سانڳے اقدامات تےاعلیٰ سطحی جائزہ اجلاس

اسلام آباد۔13جون (اے پی پی):وزیرِ اعظم محمد شہباز شریف آکھیے جو ایف بی آر ملکی معیشت دا اہم ترین پیتھا اے ، حکومت ایف بی آر دی انسانی وسائل دی ترقی اتے ڈیجیٹائز یشن سانڳے سارے وسائل مہیا کریسی ، ٹیکس چوراں اتے ٹیکس نادہندگان تے انہاں دی معاونت کرݨ آلے عناصر دا سد باب کرتے چھوڑیسن،بجٹ اچ اشرافیہ تے ٹیکس جݙاں جو غریب اتے متوسط طبقے تے گھٹ توں گھٹ ٹیکس لاتا ڳئے ۔

وزیراعظم آفس دے میڈیا ونگ توں جاری پریس ریلیز موجب وزیرِ اعظم محمد شہباز شریف دی صدارت اچ ٹیکس اصلاحات، معیشت دی ڈیجیٹائزیشن اتے محصولات اچ ودھارے سانڳے اقدامات تے اعلیٰ سطح دا جائزہ اجلاس تھئے ۔ اجلاس دے شرکا نال ڳالھ مہاڑ کریندے ہوئیں وزیراعظم آکھیے ایف بی آر ملکی معیشت دا اہم ترین پھیتا اے ۔ انہاں آکھیے جو حکومت ایف بی آر دی انسانی وسائل دی ترقی اتے ڈیجیٹائز یشن سانڳے سارے وسائل ݙیسی۔ انہاں آکھیے ٹیکس چوراں اتے ٹیکس نادہندگان اتے انہاں دی معاونت کرݨ آلے عناصر دا سدباب کرتے چھوڑیسوں ۔ وزیرِ اعظم آکھیے بجٹ دی تیاری اچ میں واضح ہدایت ݙتن جو اشرافیہ کوں ٹیکس ݙیوݨا ہی ہوسی ۔

انہاں آکھیے حکومت اڄوکے بجٹ اچ غریب و متوسط طبقے تے گھٹ توں گھٹ ٹیکس لاتے ۔ انہاں آکھیے ساݙی اولین ترجیح ٹیکس دی شرح کوں گھٹ جݙاں جو ٹیکس دہندگان دی تعداد اچ ودھارا اے ، ٹیکس نظام دی مکمل ڈیجیٹا ئزیشن اتے افرادی قوت دی استعداد اچ ترجیحی بنیاداں تے ودھارا کریندے پیوں ۔ انہاں آکھیے ٹیکس ݙیوݨ دے اہل لوکاں کوں وختی توں وختی ٹیکس نیٹ اچ گھن آوݨ سانڳے اقدامات کریندے پیوں ۔ اجلاس اچ بین الاقوامی فرم میک کینزی اتے کار انداز وزیراعظم کوں ایف بی آر دی ڈیجیٹائزیشن تے محصولات ودھاوݨ دے حوالے نال گزریل چار ہفتے اچ کیتی ڳئی پیشرفت دا ݙسائے۔

ایندے توں انڄ وزیراعظم کوں محصولات ودھاوݨ دے حوالے نال گھٹ مدت تے ادھ مدتی پلان پیش کیتا ڳئے ۔ اجلاس کوں ݙسایا ڳئے جو پاکستان اچ موجودہ پالیسیاں دے مکمل نفاذ توں ہی ملکی آمدن اچ ٹیکساں دی مد اچ ارباں روپے دا ودھارا ممکن اے ۔اجلاس اچ وفاقی وزراء احسن اقبال، احد خان چیمہ،محمد اورنگزیب، وزائے مملکت شزہ فاطمہ خواجہ، علی پرویز ملک، وزیرِ اعظم دے کوآرڈینیٹر رانا احسان افضل، سابق نگران وزیر خزانہ و محصولات ڈاکٹر شمشاد اختر، ڈاکٹر اکرام الحق، سلمان احمد، چئیر مین ایف بی آر ، متعلقہ اعلی حکام ، میک کینزی اتے کار انداز دے نمائندگان شرکت کیتی۔

LEAVE A REPLY

Please enter your comment!
Please enter your name here