ناجائز ذرائع نال اثاثے بنڑاونڑ آلیاں کوں جوابدہ تھیونڑا ہوسی،مافیاز دے گٹھ جوڑدے خلاف وزیراعظم دی جدوجہد چھیکڑی مراحل اچ اے،معاون خصوصی ڈاکٹر فردوس عاشق اعوان

0
122

سیالکوٹ (اے پی پی) وزیراعظم دی معاون خصوصی برائے اطلاعات ونشریا ت ڈاکٹر فردوس عاشق اعوان آکھیے جو ناجائز ذرائع نال اثاثے بنڑاونڑ آلیاں کوں جوابدہ تھیونڑا ہوسی،مافیاز دے گٹھ جوڑدے خلاف وزیراعظم دی جدوجہد چھیکڑی مراحل اچ اے،اٹے دے بعد ہنڑ کھنڈ دے بحران کیتے کجھ نیٹ ورک متحرک اے جیندا رستہ روکیا ویسی۔اے گالھ انہاں سیالکوٹ اچ نیوز کانفرنس کریندے آکھی۔انہاں آکھیے جووزیراعظم عمران خان دا عوام نال درد اتے احساس دا رشتہ اے، وزیراعظم وعدہ کیتا ہوئے جو اوچوراں کوں نہ بخشیسن۔ انہاں آکھیے جو ماضی اچ طاقتور لوکاں قانون کوں اپنڑے مفاد نال جوڑیا ہویا ہا،گلے سڑے نظام اچ اصلاحات کیتے کئی چیلنجزہین کیوں جو ایندے توں فیدے چاونڑ آلا مافیا اصلاحات اتے ملکی نظام اچ تبدیلی دا مخالف ہی نئیں بھل رکاوٹان وی پیندا پئے،وزیراعظم دی اصلاحات پالیسی کوں ناکام بنڑاونڑ کیتے پورا زور لایا ویندا پئے،کیوں جو مافیا جانڑدے جو عمران خان دی کامیابی نال انہاں دیاں سیاسی دکاناں بند تھی ویسن۔ڈاکٹر فردوس عاشق اعوان آکھیے جو وزیراعظم اٹا بحران تے صوبائی حکومتاں کوں متحرک کیتے اتے ایں مسلے تے قابو پاتے،وزیراعظم عوام نال کیتے گئے وعدیاں توں اصلوں پچھو نہ ہٹسن۔

LEAVE A REPLY

Please enter your comment!
Please enter your name here