اسلام آباد۔ 7 اپریل (اے پی پی) نائب وزیراعظم تے وزیرِ خارجہ سینیٹر محمد اسحاق ڈار منگل دی شام بحرین دے وزیرِ خارجہ ڈاکٹر عبداللطیف بن راشد الزیانی نال ٹیلیفون تے ڳالھ مہاڑ کیتی اے۔ دفترِ خارجہ توں جاری تھئیے بیان دے مطابق ݙوہیں رہنماواں خطے اچ اڄوکی پیشرفت تے تشویش دا اظہار کیتا ۔ ݙوہیں فریقین اقوامِ متحدہ دی سلامتی کونسل اچ زیرِ غور معاملیاں تے جاری مشاورت تے ڳالھ کیتی اتے امن و استحکام برقرار رکھݨ دی اہمیت تے زور ݙتا ۔ ݙوہیں رہنماواں رابطے اچ رہݨ تے اتفاق کیتا۔
