مون سون ، کراچی دے نالیاں دی صفائی پاروں ایمرجنسی نافذ

0
428
کراچی نالے کی صفائی

کراچی (سرائیکی نیوز) سندھ حکومت نے کراچی دے نالیاں دی صفائی پاروں رین ایمرجنسی نافذ کر ݙیتی ، ضلعی سطح تے کوآرڈینیشن کمیٹیاں تے مرکزی مانیٹرنگ یونٹ قائم کرݨ دا فیصلہ کیتا ھِ ، محکمہ موسمیات نے کراچی ءچ مون سون دی ٢٠ فیصد زائد بارشاں دی پیش گوئی کیتی ھِ این ڈی ایم اے نے شہر قائد ءچ ارب فلڈنگ دے خدشات دا اظہار کیتا ھِ ، میئر کراچی وسیم اختر نے کجھ ݙینھ پہل ھک پریس کانفرنس ءچ آکھیا ھا کہ سندھ حکومت دی طرفوں فنڈ نال ملݨ دی وجہہ نال شہر دے نالیاں دی صفائی نی کیتی ونج سکدی۔

سندھ حکومت نے میئر کراچی دی پریس کانفرنس دے بعد کراچی دے برساتی نالیاں دی صفائی پاروں رین ایمرجنسی نافذ کر ݙیتی۔

سیکریٹری بلدیات سندھ روشن علی شیخ دی سربراھی ءچ برساتی نالیاں دی صفائی توں متعلق اہم اجلاس تھئیا جیندے ءچ ڈسٹرکٹ دی سطح تے کوآرڈینیشن کمیٹیاں تے مرکزی مانیٹرنگ یونٹ دے قیام سمیت تمام اضلاع ءچ رین ایمرجنسی نافذ کرݨ دا فیصلہ کیتا ۔ اجلاس ءچ کے ایم سی ، سندھ سالڈ ویسٹ منیجمنٹ بورڈ ، ڈی ایم سیز سمیت تمام اداریاں دے افسران شریک تھئے ۔

 



روشن علی شیخ دا اجلاس دے موقعے تے آکھݨ ھا کہ نالہ صفائی دے حوالے نال کراچی ءچ ایمرجنسی نافذ کر ݙیتی گئی ھِ سندھ حکومت نے ورلڈ بینک دے منصوبے دے تحت ھک ارب ٧٦ کروڑ روپے دی رقم ایں کم کیتے مختص کیتی ھِ انہاں فنڈ دے نال کے ایم سی دے کراچی ءچ تمام نالے صاف کیتے ویسن ۔

سیکریٹری بلدیات سندھ نے مزید ڈسایا کہ نالیاں دی صفائی دے کم تے ٥ توں چھی روز ءچ کم شروع کر ݙیتا ویسی جو نالے ڈی ایم سیز دے ماتحت ھن انہاں کیتے سپیشل گرانٹ وزیر اعلی سندھ نے منظور کیتی ھِ ڈی ایم سیز ءچ کم متعلقہ میونسپل کمشنر تے چیئرمیناں دی مرضٰ نال تھیسی ۔ انہاں آکھیا کہ نالیاں دی صفائی تے رین ایمرجنسی دے تناضر ءچ لوکل گورنمنٹ ڈیپارٹمنٹ ءچ ھک اسپیلشل سیل بنڑایا ھِ سارے ڈی ایم سیز دے ایم سی  تے کمشنر آفسراں ءچ وی اسپیشل سیل بنڑایا ویسی۔

LEAVE A REPLY

Please enter your comment!
Please enter your name here